12 nyied 20 hauh, Vanz- gyangh Mauznanzcuz Swciyen Gijveij Genhveij baedaengz Yananz Yangh Cunghnanz Cunh lwnhgangj cingsaen Ngeihcib Daih Dangj raeuz. Ciengz lwnhgangj neix dwg aeu Vahmauznanz lwnhgangj, doengsug heihrox, Mauznanzcuz ginzcung gig maij.

Ngeihcib Daih Dangj raeuz hai sat le, Vanzgyangh Gijveij Genhveij leihyungh gijgenj genhcaz ganbu rox gangj vah saujsu minzcuz dangdieg aen ndeicawq neix, cauhlaeb aen duenz lwnhgangj “song vah” ndeu, bae daengz lajmbanj gyaeujreih, aeu Vahmauznanz、Vahcuengh、Vahgun dangdieg daengj, lwnh- gangj gij cingsaenz Ngeihcib Daih Dangj raeuz, hawj gij cingsaenz Ngeihcib Daih Dangj raeuz roengz daengz lajmbanj, haeuj sim ginzcung bae, hawj ginzcung dingq ndaej rox、rox bae guh.

(Veiz Yui/韦 睿)