12 nyied 24 hauh daengz 25 hauh, Swcigih Dangjveij suhgi、Swcigih Yinzda Cangzveijvei cujyin、Swcigih Binghraq Bwtndat Fuengz- haed Cijveihbu cijveihcangj Liuz Ningz bae daengz Gveilinz Si Bingzloz Yen、Hingh’anh Yen, diuyenz bingh- raq fuengzhaed caeuq gwzming lizsij vwnzva.

Liuz Nningz vixok, binghraq bwtndat fat bingh gvaqdaeuj, youq aen Dangjcunghyangh aeu Siz Ginbingz dungzci guh cehsim akrem lingjdauj lajde, daengx guek yinzminz ginggvaq gaenh sam bi seizgan haenqrengz, wngqdoiq ndei binghraq cungdongj, daengxbuenz maeuzveh binghraq fuengzhaed caeuq ginghci sevei fazcanj aeu ndaej cwngzgoj hungnaek. Aen Dangjcunghyangh aeu Siz Gin- bingz dungzci guh cehsim gaemguenj daengxbuenz、liujgaij seizseiq, cunghab naemjngeix aumizgwzyungz binghdoeg daegdiemj、vunz dwk yi- myauz haemq lai、binghraq fuengz- haed gingniemh cwkcomz、binghraq fuengzhaed naengzlig daezsang daengj cingzgvang, ciuq seizseiq gohyoz gaij- ndei diuzcwngj gij guhfap fuengz- haed binghraq, dwg bietaeu、cinjdeng、fucwz ne.

Raeuz aeu haeujlaeg bae guh gij cijsi cingsaenz youqgaenj gvendaengz hong fuengzhaed binghraq Siz Gin- bingz cungjsuhgi, swhsiengj caeuq hengzdoengh cungj aeu doengjit daengz gwnz gietdingh bouhloh Dangjcunghyangh, ciuq aen Hoih Densi Denva Hong Fuengzhaed Binghraq Bwtndat Daengx Guek baijbouh iugouz, genhcih seizseiz cuengq yinzminz youq vih daih’it、sengmingh youq vih daih’it, baujciz cungj cwzyinganj “seizseiz cuengqsim mbouj roengz”, guh ndei guh saed “cib diuz moq” caeuq gij guhfap swcigih gaijndei binghraq bwtndat fuengzhaed, mboujduenh daezsang mboengq moq fuengzhaed binghraq bwtndat engq gohyoz engq cingcinj engq mizyauq, haenqrengz bauj ndangcangq、fuengz binghnaek, hen- hoh sengmingh ancienz caeuq yinz- minz ndangcangq liux bae, hawj binghraq doiq ginghci sevei fazcanj yingjyangj ceiq noix. Liuz Ningz youq diuyenz seiz giengzdiuh, dangqnaj, gih raeuz binghraq hingzseiq bingzonj, yawjbingh ywbingh fugsaeh yinhhengz bouhloh mbouj luenh, hoeng yenzdan、ndwencieng couh yaek daengz, hong fuengz binghraq bauj ndangcangq、fuengz binghnaek gig dwgrengz. Aeu gyagiengz daengxbuenz lienzhaeh doxciep, cawjdoengh guhhong, hen hawj sevei cizsi onjdingh.

Liuz Ningz doiq gak gaep lingjdauj ganbu daezok iugouz.

Liuz Ningz baedaengz Lauj- sanhgai diegyouq Hingh’anh Yen haenx, sijsaeq liujgaij lizsij saehsaed Sienghgyangh Canyiz、gwzming lizsij vwnzva baujhoh cienzswnj mizgven cingzgvang, giengzdiuh aeu haeujlaeg bae guh gij cijsi cingsaenz youqgaenj Siz Ginbingz cungjsuhgi, daj ndaw Sienghgyangh Canyiz supaeu ligliengh caiq baenaj, youq mboengq moq fuengzhaed binghraq, giendingh saenqsim、caezsim caezhoz, ngaem gyaeuj buekguh、 haenqrengz bae guh, ok rengz lai lai cauhlaeb aen Gvangjsih gyaeundei, vih cienzmienh cauhlaeb sevei cujyi yendaiva guek- gya、cienzmienh doicaenh Cunghvaz Minzcuz fukhwng hungmbwk bae ok gij rengz Guengjsae raeuz.

(bonj bauq cunghab siusik)