Cuengqhag naengh dendih ma ranz, gou aemq daehsaw gikgyan’gyan ing youq mbiengj ciengz baihlaeng dendih. Daxboh yawjraen le, yiemzsuk doiq gou naeuz: “Seizseiz bienhbienh giz- lawz cungj ing dwg sibgvenq gig mbouj ndei. Miz mbangj dendih baihlaeng dwg aen dou, dwg hai ndaej bw, ing youq baihgwnz gig yungyiemj. Ndaw gwndaenj raeuz haujlai doxgaiq mbouj dwg maenh lumj raeuz yawjraen haenx, seiz- seiz bienhbienh ing hwnjbae gig yungyiemj.”

Daxboh gaen dwk youh gangj gienh saeh caensaed ndeu: Miz boux lwgnyez ndeu ing youq gwnz baengh yangzdaiz, doek- laeng gij baengh de soengdoengh lo, lwgnyez neix daj gwnz laeuz doek roengzbae, mbouj miz mingh lo.

Dingq gij vah daxboh, gou lau raixcaix, caiq hix mbouj gamj luenh ing lo. Dauqsiengj gaxgonq, gou gingciengz naengh mbouj baenz naengh, ndwn mbouj baenz ndwn, mbouj dwg ing eij ing daiz, couh dwg ing ciengz, lienz byaij loh hix maij ing ndang bouxwnq, daihgya cungj naeuz gou lumj “diuz gaeu ndeu”.

Ndaw govwnz dou hag haenx miz coenz vah yienghneix: “Ndwn lumj coengz, naengh lumj cung, byaij lumj rumz, ninz lumj gung.” Gou baezlaeng itdingh haeujsim gij yienghsiengq swhgeij, guh boux vunz miz cingsaenz ndeu!

(Swconh Swngj Lozsanh Si Bozyangz siujyoz ngeih nienz- gaep Bungz Yizcangh)