Mbwk:

Ndaejhoengq couh guenj dwen,

Yinx fwen couh guenj dongx,

Beix youq rog guhhong,

Eu song coenz simsoeng.

Sai:

Bineix miz saeh angq,

Dangj hai Ngeihcib Daih,

Nuengx naeuz eu dahraix,

Wnggai fwen haenh dangj.

Mbwk:

Mbouj miz gungcanjdangj,

Nanz gangj Cungguek moq,

Raeuz miz dangj daiqloh,

Bouxhoj bienq baenzfouq.

Sai:

Dangj raeuz ceiq hungmbwk,

Dwg de lingjdauj raeuz,

Gwndaenj yienghyiengh gaeuq.

Mbouj you maz saek yiengh.

Mbwk:

Siengj daengz seiz gaxgonq,

Guek raeuz gungz lailai,

Lumj aen ruz gak raiq,

Lij ngaiz rogguek haep.

Sai:

Rogguek ciemq haeujdaeuj,

Aeu beksingq guh max,

Mbouj dingq couh ngaiz gaj,

Gvaq lawz cungj deng nanh.

Mbwk:

Gyo miz gungcanjdangj,

Gaijfang cienz Cunghgoz,

Laebbaenz Cungguek moq,

Bouxhoj bienq bouxcawj.

Sai:

Sevei cujyi loh,

Dangj raeuz rox daiq ndei,

Beksingq angq baenz meiz(miz),

Yied ngeix sim yied angq.

Mbwk:

Guh sevei cujyi,

Gizgiz cungj roengzrengz,

Dangj daiqloh ndaej deng,

Raeuz saedhengz couh baenz.

Sai:

Sevei cujyi ndei,

Gaengeiq(gawq) gozcingz daeuj,

Dangj caiq haucauh naeuz,

Aeu byaij roen daegsaek.

Mbwk:

Byaij hwnj daegsaek loh,

Cunghgoz fazcanj vaiq,

Youq gwnzbiengz seiqgyaiq,

Fazcanj vaiq gvaq doih.

Sai:

Guh gaijgwz hailangh,

Beksingq angq fatcaiz,

Daengx mehmbwk bouxsai,

Sim ndaej hailele.

Mbwk:

Byaij haeuj seizdaih moq,

Cunghgoz raeuz engq maenh,

Cienzmienh siujgangh baenz,

Caen dwg ndei raixcaix.

Sai:

Byaij haeuj seizdaih moq,

Cungguek loq ndaej luenz,

Bouxboux sim doeng vuen,

Eu fwen danqhaenh dangj.

Mbwk:

Guek loq baenz dahraix,

Aeu byaij daegsaek roen,

Hungzyangz Cunghgoz hoen,

Byaij diuz roen neix dingh.

Sai:

Minzcuz aeu fukhingq,

Youqgaenj dingq dangj vah,

Doxcomz gyoengq daihgya,

Dujva couh hai hoengh.

Mbwk:

Gangj byouq dwg myaiz sai,

Guh dahraix cingq hingq,

Dangj gangj raeuz aeu dingq,

Fukhingq raeuz Cunghvaz.

Sai:

Aeu bi’gyai daeuj gangj,

Cienzmienh siujgangh baenz,

Seizneix raeuz hix raen,

Guek maenh beksingq fouq.

Mbwk:

Daez song aen bak bei(bi),

Dangj raeuz ngeix ndaej raen,

Daih’it aen gaenq baenz,

Daihngeih aen miz muengh.

Sai:

Daihngeih aen bak bi,

Raeuz lij aeu roengzrengz,

Gaen dangj byaij couh deng,

Roengzrengz guh couh baenz.

Mbwk:

Cungguek daegsaek roen,

Mbouj dwg ngoenz he byaij,

Daih dem bae coh daih,

Itcig byaij roengzbae.（1）