Cib nyied mbwn rongh sien,

Va hai sien youh moq,

Ngeihcib Daih hai muq,

Vunz guekcoj angqyangz.

Dangj raeuz Ngeihcib Daih,

Daengx seiqgyaiq caj hai,

Ngoenz hoih haenx vunz lai,

Raeuz dap daiz danqhaenh.

Cungjsuhgi baugau,

Dawz lawz gauj(guh) lwnh raeuz,

Miz aen dangj guh daeuz,

Fukhwng couh dingh baenz.

Baugau diem rongh lai,

Raeuz wnggai hag daeuq,

Caez gaen aen dangj raeuz,

Fukhwng couh dingh baenz.

Byaij cauhmoq roenloh,

Caezsim buek guh bae,

Guh saeh nywj ndaej gyae,

Itdingh meiz(miz) maqmuengh.

Hengz “roen dingh aeu byaij”,

Vunzlai maij youh gyaez,

Cungj dingq vah dangj bae,

Liz fukhwng ndaej gyawj.

Caiq dwen yendaiva,

Yaengx genga danqhaenh,

Dangj raeuz dawz ndaej maenh,

Daengx guek bwh ndaej ndei.

Gwzgiz hwngfat moq,

Doengzcaez coh baihnaj,

Moegbiu youq de caj,

Raeuz daj neix haenqguh.

Doicaenh “sam mbouj nduk”,

Buekguk youh dwknyaen,

Dangj raeuz guh ndaej baenz,

Gyoengqvunz saenqsim daih.

Guh “song aen dapanq”,

Dawz lajmbanj saenqhwng,

Aeu gag giengz gag saenq,

Miz saenqniemh dingh baenz.

Baujcang caez ndaej yiengj,

Ciengxlaux cungj miz ngaenz,

Dangj raeuz guh ndaej baenz,

Baenzbingh ok ngaenz noix.

Dwen roek aen “dingjmaenh”,

Caen dwg gangj ndaej ndei,

Vunzlai bouxboux gyaez,

Ciengzseiz hix geiq maenh.

Souj daejsienq nazreih,

Haeuxvanj ndaej dawzmaenh,

Gyoengqvunz cungj danqhaenh,

Dangj raeuz caen hungmbwk!

Caeuq swhyenz huzndei,

Baengh saekloeg ndaej hwng,

Hawj vunzlai rox daengz,

Lawz guh ndaej hwngfat.

Dwen sam aen “bietdingh”,

Dawzdingh ndei fuengyiengq,

Guh ndei gij yienghsiengq,

Vih giengzguek buekguh.

Aen guek song cidu,

Riuhoho caez hoh,

Dangj raeuz mbouj gangj boq,

Guekcoj dingh dungjyiz.

Bingdoih miz daegsaek,

Re gij caeggep ndei,

Dingqcoengz dangj cijveih,

Okbing seiz dingh hingz.

Bingdoih raeuz guhdaengz,

Hoh cwng’yi gunghbingz,

Cungj habcap habcingz,

Hoh hozbingz onjdingh.

Saeh hengzmanz mbouj guh,

Guekcoj gyaez huzndei,

Vunzlai maij fouzbeij,

Hix eiq(gyaez) caez hwngfat.

Gungcanjdangj yinghmingz,

Cingz bouxminz dawzmaenh,

Bingdoih riengz dangj gaenj,

Fukhwng caen daeuj daengz.