Seizcou lumj dah sien ndeu, laeglemx daeujdaengz lajbiengz.

Seizcou dwg geiqciet gyaeundei. Miz vagut gyaeundei, miz va’gviq homfwd, lij miz mbawfaex henjgim loenqbyoegbyoeg. Seizcou mbwn gvengq- cangcang, rumz liengz cififi, duznyanh baizdoih baenz yiengh cih “人”, youq gwnzmbwn heusausau, sij mbouj ndaej daj baihbaek mbin coh baihnamz. Go nywj duet buhheu de bae, rieg hwnj buh henjgim seizcou.

Seizcou dwg geiqciet demsou. Gomeg cug lo, riengzmeg lumj dahsau ndang reuz gyaeundei nei ndwn youq gyang naz, vad fwngz coh dou ne! Go faiq hai va lo, de ndaej guh baenz denz, hawj raeuz ndaej raeujrub haeuj ninz. Makcauj cug lo, de lumj baenz aen baenz aen haedfwngz nding nei, gyaeundei raixcaix! Makit cug lo, de lumj baenz aen baenz aen caw nei ronghcingx, youh lumj baenz aen baenz aen lwgda gyaemq gig dwggyaez…… Caen ndeiyawj ha!

Seizcou caen dwg aen geiqciet demsou lai saek lai yiengh ndeu ha!

(sam nienzgaep Cwng Suigiz)