Haetromh ndawhag caem- rwdrwd. Caengz mok hoenz- ngeungeu lumj maebaij nei goemq ndawhag dwk, aen laeuzsonhag youq ndaw mok neix moengz- moengz loengzloengz. Dieggyae, mok yawj mbouj cingcuj, gingjsaek yinx vunz raixcaix.

Haetromh ndawhag gyaeundei raeuh. Mwh daengngoenz ngamq loh najriu okdaeuj, ngoenz moq hainduj lo. Youq ndawhag, go- nywj ngiengx fajnaj dwggyaez de hwnjdaeuj. Va miz gak cungj gak yiengh, duj hau、duj nding、duj henj……yinx raixcaix. Gofaex henz gova heuswdswd, yienh’ok va ndingnding heuheu, caen dwg gyaeundei raixcaix.

Haetromh ndawhag nauhyied raixcaix. Mwh gyoengq doengzhag laebdaeb daeujdaengz hagdangz, ndawhag sawqmwh nauhyied hwnjdaeuj, diegdieg raen miz gyoengq doengzhag. Gwnz cauh- cangz, miz vunz dwk giuzfwngz, bouxboux ak lumj guk nei, buet vaiq dangqmaz. Mbangjseiz gyoengqde suglienh cienz giuz、dop giuz、ndek giuz, hawj vunz youq henz yawj haenh mbouj dingz.

Haetromh ndawhag miz maq- muengh raixcaix. Mwh nditrongh ciuq haeuj bakcueng, ndaw gyausiz sing doegsaw goksasa. Gyoengq doengzhag dawz ceksaw, mbouj saiyaix saek miux cung, aeu hengzdoengh saedsaeh daeuj bauqdap lauxsae.

Haetromh caen dwg lai saek lai yiengh! Gou gyaez haetromh ndawhag!

(Fuzgen Swngj Anhih Yen Gendouj Cunghsinh Siujyoz Vuz Cinbungz)