Ndwen roek va’ngaeux hai,

Dujduj raiz cap nyinh.

Biengzbeih gvaenx va mbin,

Duzduz yinz diuqfoux.

Ciet “Luzyiz” gyoengq nyez,

Lwglwg mbe bak ndaeng.

Ndawsim van doxdaengh,

Bouxboux baengh guekcoj.

Gyoengqraeuz riengz dangj byaij,

Yamqyamq gvaiq youh maenh.

Miz sim vunz gag saenq,

Baenzlawz baenq mbouj doengh.

Gvangjsih gig hunggvangq,

Bouxcuengh angq vuenyungz.

Ngoenzndei rim roenx mbung,

Saenzsien dung mbouj maenh.

Seizneix gwndaenj ndei,

Yienghyiengh ceiq dwghoz.

Gwn raemx mbouj lumz mboq,

Yiengjsouh rox angq aen.

Doegsaw mbouj yungh cienz,

Raeuz aeu lienh bonjsaeh.

Baenz vunz cawh lauxsae,

Bauq guek ndaej saedyienh.