Mboengqneix, Gveigangj Si Cinz- dangz Gih Gyauyuz Giz hai aen hoih youq hagdangz Vahcuengh Vahgun hainduj hwnqguh aen gunghcwngz doegsaw. Aen hoih neix gangj, bi 2022 yaek youq Mungzgungh Cin Minzcuz Cogaep Cunghyoz daengj haj aen hagdangz Vahcuengh Vahgun guh aen gunghcwngz neix. Daengz bi 2025, yaekaeu guhbaenz buek ranzyawjsaw hab biucinj ndeu, gungganq ok buek lauxsae rox dazyinx lwghag caeuq buek lwghag maij、rox doegsaw ndeu, guh lai cungj hozdung doegsaw, cienzmienh daezsang gij cizlieng son’gyauq.

(Cinz Souhwngz /覃寿恒)