Bineix seiq nyied doxdaeuj, Dunghlanz Yen aeu “cauhlaeb aen yienh yienghndei minzcuz doxgiet baenaj swcigih, cukmaenh gij eiqsik caezcaemh Cunghvaz Minzcuz, angqcoux Ngeihcib Daih Aendangj”guh cawjdaez, gaenxmaenx guh baenz ndwen hozdung langhbaij minzcuz doxgiet baenaj. Aen yienh neix fat le gij fuenganq saedguh hong lwnhgangj, dazyinx gak danhvei gak bouhmonz cauhmoq guhhong. Caiq cujciz ganbu vunzlai youq 《Hagsib Giengz Guek》 daengj bingzdaiz hag lijlun cihsiz, youq gwnz doujyinh、 veihsin daengj fat sibinz, langhbaij son’gyauq minzcuz doxgiet. Ra bouxyienghndei, haeuj gak aen cunghyoz siujyoz son’gyauq minzcuz doxgiet、ciepcienz gihyinh hoengz daengj. Yienh neix laebdaeb caenhrengz gyamaenh gya’gvangq gij cingzcik son’gyauq lizsij aendangj, guh saedsaeh gvendaengz gwndaenj vunzlai, haenqrengz cauhguh aen daihbuenz moq minzcuz doxgiet baenaj.

（Veiz Siumyauz/韦秀苗）