Mwh ndwenngoenz gyaeundei lumj va hai langh

Mwh singfwen ndeidingq lumj raemx raezrangh

Youq guekcoj baihnamz, gou youh caiq baez

muenghyawj Byaraiz

Gij simgeiq mbanjranz saenzgeiz gyaeundei neix

Youq aen seizdaih moq fat ok gij ndongqrongh

raeujrub

Gizneix dwg aen mbanjranz Lozyez minzcuz

Gij cingsaenz ciuhgeq daih dem daih haenx

Lumj gij goengqbya hwnjroengz doxrangh haenx

Gizneix dwg mbanjranz lwglan Bouxcuengh

Gij lwedmeg ciuh dam ciuh haenx

Lumj gij langh ndawdah buetbongh

Gou yawjraen daxgoeng cingq dajndaem

Vuet oen gvej em, gyaep nyaen hai fwz

Gou yawjraen daxbuz cingq daemjbaengz

Ndwenngoenz lumj ronghndwen nei lae bae

Gou yawjraen daxboh daxmeh

Gyoengqde sinhoj dajndaem, doekceh maqmuengh

Miuzveh duzdoengz, dajsan ronghhaet

Hoeng gou, cingq dwg youq ndaw aen rungj Byaraiz

Menhmenh hungmaj, hai sing angq ciengq

Dwg aen rungj Byaraiz hawj gou raeujrub

Dwg raemxcij Byaraiz dawz gou ciengx hung

Fwnfwn rumzrumz giendingh saenqniemh mbouj

byaij loeng

Dwg gij byasoem Byaraiz hawj gou ndongjgenq

Youq gwnz diuzloh haenqrengz baenaj mbouj-

baenqbangh

Dwg gij fwnraemx Byaraiz cang rim gij lwedmeg gou

Youq gwnzloh ciuhvunz dingjhwnj diuzhwet gag-

saenq

Ndwenngoenz gaijvuenh gij saeknaj bya dah

Fwnrumz coidoengh gij raemxlae ndawdah

Haujlai lizsij gij yienghsaek haenx gaenq haumengq

bingzdamh

Haujlai gij sing cauzyupyup haenx gaenq mbouj caiq

ok sing yiengj

Hoeng gij dozveh Byaraiz lij ciuqyiengh ronghsien

lwenqda

Byasang caeuq raemxdah nyoengx ok gij vuenyungz

vaiqvued baenaj

Siujgangh sevei gij cingzcik hungmbwk haenx

Lumj gaiq gim nei ndongqrongh myabmyab

Gou rox, gij roenbya namhboengz mbanjranz gaenq

bienqbaenz diuz daihloh suijniz

Ndawmbanj gij ranzngvax gaeuqvaih haenx gaenq

bienqbaenz ranzlaeuz ronghsag

Gausuk goengloh、gaudiet doenghci

Ragdoengh gij angqyangz bienqvaq Mbanjcuengh

baebae dauqdauq

Aennyenz yiengj hwnj, buenx gij sing fwen daxboh

fubfab

Fuk man raizved, caeuq fajnaj angqriu daxmeh

mbehai

Raemxloeg byaheu couhdwg byagim bya’ngaenz

Lajmbanj hwngvuengh lumj mbawveh ndongqlwenq

yaprongh

Neix couhdwg Byaraiz, Byaraiz gyaeundei

Gij lamzdoz veh ok moq

Gaenq mbehai biencieng moqsak

Caeuq lamzdoz、 biencieng doxgven gij fuengfueng

mienhmienh

Youq cuizdiet fagliemz gij rongh lajde

Lumj ndaundeiq yaprongh, yaprongh dwk

Doengzcaez baenzfouq、 saedyienh gij ronghsag

loqsiengj

Byaraiz, aen dieg meiliz lailai neix

Dahmingzgyangh gungganq gij leixsiengj gyaenanz

Ndaw namhbiz maj ok gij yienhsaed ndongqrongh

A, Byaraiz, Byaraiz gyaeundei

Mwngz dwg aen bya goengngawz senj bya

Mwngz dwg aen bya cib fanh daihsan

Mwngz dwg aen bya raemxloeg byaheu

Mwngz dwg aen bya byasang raemxraez

Mwngz dwg aen bya daxboh, dwg aen bya daxmeh

Mwngz dwg aen bya mbanjranz

Dwg aen Byaraiz duh gou

当美好的日子如花绽放

当动听的山歌似水流长

在祖国南疆，我又一次仰望花山

这神奇美丽的故乡记忆

在新时代焕发出温暖的光亮

这里是骆越民族的故乡

代代先民的精神

如连绵起伏的山梁

这是壮族儿女的家乡

祖祖辈辈的血脉

似江河奔腾的波浪

我看见爷爷在耕作

披荆斩棘，驱兽垦荒

我看见奶奶在织布

日子像月光流淌

我看见父亲母亲

他们辛劳耕作，播种希望

描绘彩虹，编织曙光

而我，正是在花山的怀抱中

孕育生长，欢声歌唱

是花山的怀抱给我温暖

是花山的乳汁将我喂养

风雨岁月坚定信念不迷茫

是花山的山峰给我刚强

奋斗征程勇往直前不彷徨

是花山的雨水充盈我血脉

人生旅途挺起自信的脊梁

岁月更替山川的容颜

风雨催动江河的流淌

许多历史的色彩已经苍白平淡

多少曾经的喧闹已经不再声响

而花山岩画依然鲜艳闪耀

山峦与河流涌动幸福快乐的向往

小康社会的伟大成就

像金子一样闪闪发亮

我知道，家乡泥泞的山路已变成硬化大道

村里危旧的瓦屋变成了崭新楼房

高速公路、高铁动车

拉动壮乡巨变的喜悦来来往往

铜鼓铿锵，伴随父亲的山歌激荡

壮锦斑斓，和着母亲的笑脸绽放

绿水青山就是金山银山

乡村振兴的画面熠熠闪光

这就是花山，壮美的花山

新规划的蓝图

已展开崭新篇章

与蓝图、篇章相关的方方面面

在铁锤镰刀的辉映下

如群星闪耀，闪耀着

共同富裕、实现梦想的光芒

花山，这个魅力四射的地方

明江浇灌着恒久的理想

沃土生长着现实的辉煌

啊，花山，壮美的花山

你是愚公移山的山

你是十万大山的山

你是绿水青山的山

你是山高水长的山

你是父亲的山，是母亲的山

你是故乡的山

是我的花山