Geij bi neix doxdaeuj, Hocouh Si hop ndaet cukmaenh gij eiqsik caez- caemh Cunghvaz Minzcuz diuz sienqmeh neix, dawz gij hong henhoh feihvuzciz vwnzva yizcanj minzcuz haeujsim, aeu lai cungj fuengfap guh ndei gij hong henhoh. Lumjbaenz goengbouh 《Aen Banhfap Hengzguh Nyinhdingh Caeuq Guenjleix Hocouh Si Gaep Feihvuzciz Vwnzva Yizcanj Daibyaujsing Boux- ciepcienz》, doidoengh gij hongsaeh henhoh feihyiz yamq coh roen fapceih, caeuq hagdangz doxgap, hawj feihyiz byaijhaeuj hagdangz, gaenxmaenx guh hozdung langhbaij feihyiz, caenhrengz haeujcoengh bouxciepcienz fatyiengz caeuq ciepcienz vwnzva daengj, hawj gak minzcuz vwnzva dauq langh rengzhoengh moq. Seizneix, Hocouh Si gungh miz guekgya gaep feihyiz seiq aen, swcigih gaep seiqcib aen, si gaep roekcib aen; bouxciepcienz guekgya gaep feihyiz miz song boux, swcigih gaep ngeihroek boux, si gaep betcib bet boux.

(Cau Ginhbinh /赵金宾)