4 nyeid 17 hauh, Aen Hawciengz Gujdingj Yangh laeng Bwzswz Si Denzyangz Gih ndawde, vunzlai cingq nyaengq swiq、genj、baucang makyungz. Geij bi neix doxdaeuj, aen cwngfuj gih neix yawjnaek hwngfat canjnieb, moix bi mwh makyungz、makgaivaiz ndaej baenzgai, aen gih neix couh yinxhaeuj lai buek giyez daeuj baefat nungzcanjbinj, hwnqguh ndei giz dieg comzgyonj nungzcanjbinj, hawciengz aen gih neix moix bi cungj sou aeu seiq cien daengz haj cien vunz bae guhhong, dawz mak roengz、gvaq caengh、raix mak、 genj mak、coux sieng、daeh hwnj ci daengj. Binaengz daengz mak baenz sou couh yienh’ok fukveh canjnieb ndaej sou lai、vunzlai nyaengq guhhong ndeu.

（Vangz Gozsun /黄国顺）