（ciep geizgonq）

Nyaenma sienseng siujsim cengj gaiq benjfaex ndeu hwnjbae, benjfaex miz gij sing gatgat dwglau, gyoengqde cungj boemz youq, caj miz gijmaz saehcingz dwglau yaek fatseng, gijmaz saeh cungj mbouj miz. Yienghneix nyaenma sienseng cengj gaiq benjfaex daihngeih hwnj, liuxle, de gig siujsim daj ndawgeh iet gyaeuj hwnjbae. De nyaenx mbouj ndaej faengz dwk hemq ok sing ndeu: “Gou guh ndaejdaengz lo!” De hemq naeuz, “gou baez daih’it couh guh ndaejdaengz lo! Gou guh ndaejdaengz lo! Gou guh ndaejdaengz lo!” De baez yot ndang doxhwnj, daj ndawgeh benjfaex benz hwnjbae, hainduj vuenheij dwk ga diuq fwngz vad: “Vaiq hwnjdaeuj vei! Hwnjdaeuj yawjyawj sou youq gizlawz vei, gyoengq lwg ndei gou!” Doiq duz nyaenma iek ndeu daeuj gangj, neix dwg geijlai gyaeundei ha! Gyo’mbaiq Goeng- mbwn! Baenz lo! Baenz lo!

Seiq duz nyaenma lwg mwngz ciengj gou gou ciengj mwngz benz hwnjbae, gij gingjsiengq gyoengqde yawjraen haenx dwg geijlai geizheih ha! Gyoengqde cingq youq ndaw aen bungz hunghung ndeu, gizneix lengq- lengq miz gaeq, miz baenz cien duz gaeqhau、gaeqhenj、gaeqndaem!

“Rongzgaeq 1 hauh Bozgizswh!” Nyaenma sienseng hemq naeuz: “Neix cingq dwg gizdieg gou yawj cinj, gizdieg gou cingqngamj yawj cinj! Gou cingqngamj vat daengz giz cungqgyang de lo! Baez daih’it couh guh ndaej baenz lo! Geijlai geizheih ha! Caemh- caiq, gou naeuz, cingqcaen dwg geiz- heih lai lo!”

“Caj yaep ndeu!” Nyaenma sien- seng minghlingh naeuz: “Gaej vueng- luenh! Ndwn gvaq baihlaeng bae! Caemdingh roengzdaeuj! Raeuz baez yamq baez yamq guh! Seizneix, daih- gya cungj gwn raemx gonq!”

Gyoengqde cungj deuz haeuj henz aen cauz cang raemx gaeq, riz gij raemx sawcengh ndeigwn. Liuxle, nyaenma sienseng senj aeu sam duz gaeqmeh ceiq biz, riengjret yungh bak baez haeb, couh sikhaek haeb dai gyoengqde lo.

Gyoengqde boux dem boux daj geh benjfaex ndonj roengz deihgoengq, gig vaiq couh ndwn youq ndaw deihgoengq ndaemnyam lo. Nyaenma sienseng byaij hwnjbae rag gaiq benjfaex haenx roengzdaeuj, hawj de youq baenz yiengh gaeuq dauq, de guh ndaej gig sijsaeq, baenzneix couh mbouj miz vunz yawj ok de deng noddoengh gvaq lo.

“Lwg,” de aeu sam duz gaeqmeh biz haenx hawj seiq duz lwg ndawde duz ceiq hung haenx, gangj naeuz, “deuz dauqbae vaiqdi, aeu hawj daxmeh mwngz, hawj de bwh ndei aen hoihlaeuj ndeu, lwnh de geij boux raeuz lij youq gizneix anbaiz ndei geij gienh saeh iq wnq, liuxle sikhaek couh daengz!”