Youq Yienh Doenglanz Guengjsae, moix bi cungj miz aen cietyahgvej. Cietyahgvej hix heuhguh cietduzgoep roxnaeuz cietgoepgvej. Moix bi ndwen- cieng co’ngeih, gyoengq vunz Bouxcuengh dangdieg couh roq gyong ndaek laz roengz doenghnaz bae ra goep gvej, ra ndaej le, couh hengzguh gij hozdung baenzroix gingq goep gvej. Doeklaeng, cungqvunz couh ram de daengz Bo’gvej bae, haem de hwnjdaeuj, soengq de hwnj gwnzmbwn bae, gouz aeu fwnrumz habseiz, vunz gyaeu ndangcangq, haeuxnaz rim cang. Cienznaeuz goep gvej dwg dahlwg goengbyaj caeuq yahbyaj, cienmonz daeuj guenj gij saehhong gwnzbiengz, de heuh fwn ndaej fwn, heuh rumz ndaej rumz, rox yawj ok bi lawz fungsou caeuq gwnzbiengz angqyangz. Vunz Bouxcuengh Doenglanz cungj saenq gijneix, aeueiq goep gvej, heuh de guh yahgvej. Youq cietyahgvej gwnzde, cungqvunz ciengzseiz cungj eu gij fwen yienghneix:

Lajmbwn duzgoep caeuq duzgvej,

Vunz naeuz meh de youq gwnzmbwn;

Mingzcoh heuhguh Yahraez gwnz,

Cien guenj rumzfwn caeuq fwjmaeq.

Yah heuh duzgoep caeuq duzgvej,

Baiq song duz de daeuj lajmbwn;

Cienmonz bang meh yawj biengz vunz,

Fuengbienh dingh fwn roxnaeuz rengx.

天下蚂拐和青蛙，

他妈住在天上家；

名字叫做牙雷猛，

专管风雨和云霞。

她叫青蛙和蚂拐，

派遣他们凡间来；

专门帮妈来报信，

天晴下雨好安排。