Ngoenzneix gou hwnjdaiz,

Caiq eu re binghraq,

Naeuz gak boux daihgya,

Re binghraq gaej dingz.

Gangj daengz re binghraq,

Dwg daihgya saehsoq,

Mbouj dwg naeuz gyajlox,

Bouxboux doq miz faenh.

Okdou aeu fungbak,

Gaej gangj ak gangj hung,

Haeuj ranz aeu swiq fwngz,

Daengx gyungq(gyoengq) boux-

boux hengz.

Gak boux youq gak dieg,

Lumj miz sieg gek bae,

Danghnaeuz miz maz saeh,

Veihsin ndaej doxyaeng.

Dawz vunz guh gaenbonj,

Dangj son raeuz yienghneix,

Yaek naemj yienghyiengh ndei,

Aeu meiz(miz) vunz gaxgonq.

Danghnaeuz ngaenz mbouj miz,

Gojlij ndaej bae ra,

Danghnaeuz vunz dai gvaq,

Gijmaz cungj mbouj miz.

Bi’gvaq daengz bineix,

Raeuz seizseiz fuengzre,

Binghdoeg dangq fangzgeq,

Aeu re ndei cij ndaej.

Yienznaeuz dajcim gvaq,

Binghraq lij youq henz,

Gij binghdoeg neix geng,

Baez deng couh lah vunz.

Dingq dangj daeuj cijveih,

Gaejlaeg ngeix gvaq vang,

Dangj hawj raeuz ndangcangq,

Raeuz wngdang dingq gangj.

Miz dangj daeuj lingjdauj,

Raeuz mbouj lau binghraq,

Cijaeu dingq dangj vah,

Aeu binghraq neix mied.