Bimoq daeuj, fukheiq daengz,

Daengx aen ranzmbanj cungj nauhyied,

Nem aendoiq, nem saw fuk,

Vut gaeuq coux moq coux biguk.

Ngoenz haemhndaep, caez doxcomz,

Nohbya homfwt sim angqyangz,

Cuengq bauqrengh, caenh duzfangz,

Bauq yiengj sing sang gok daengx mbwn.

Daenj buh moq, nungh mauh moq,

Doxcaez baiqnienz dox goeng’heij,

Saehsaeh swnh, seizseiz ndei,

Saedceij ngoenz beij ngoenz hoenghhwd.

Raek sainding, mbinfwfw,

Caemhdoih guhcaemz vuenheij lai,

Loengh lungzsae, ciep caizsaenz,

Daengx luengq daengx mbanj nauhmbwmbw.

Daengz cibngux, gwn ceizrouh,

Bouxlaux lwgnyez riuhaha,

Yawj daengloengz, cai vahduenz,

Gyoengqraeuz caez daeuj angqbuepbuep.

Ndwencieng bimoq ndeindei gvaq,

Fungsug conzdungj raeuz gaej vut,

Daihgya itheij ciengq go hoh,

Enj aek vuenyungz byaij coh naj.