Ndwen 12 ngoenz 17 daengz ngoenz 20, Aen Hoih Canghfanhoiz Saemjdingh Swz Moq Sawcuengh Bi 2021 youz Cungguek Minzcuz Yijvwnz Fanhyiz Giz cawjbanh、Liujcouh Si Minzcunghveij bangbanh haenx youq Liujcouh hai. Baez hoih neix yungh gij fuengsik gwnz sienq laj sienq dox giethab hai, Swcigih Minzcunghveij fucujyin Veih Yungjhungz、Cungguek Minzcuz Yijvwnz Fanhyiz Giz fugiz- cangj Ginh Yinghgauj camgya aen gaihmusiz, 25 lai boux lauxhangz yozcej Vahcuengh Sawcuengh youq gak hangz gak nieb haenx camgya hai hoih.

Aen hoih giengzdiuh aeu nyinh- caen gvancez doeksaed gij cingsaenz Cibgouj Gaiq Roekcung Cienzhoih Dangj, daj ndaw ginglig bak bi buekguh dangj hag’aeu dungx- caiz, gaemdawz cukmaenh gij eiqsik caezcaemh Cunghvaz Minzcuz diuz sienqmeh guhhong minzcuz neix maenhmaenh bae, genhciz aen cungh- cij fugsaeh dangj caeuq guekgya、fugsaeh siujsoq minzcuz caeuq dieg minzcuz, laebdin hong bonjfaenh, roxnyinh cwzyin cwngci caeuq sawj- mingh engq sang vih doidoengh sawvah minzcuz guh ndaej biucinj、gveihfan okrengz hung.

Baez hoih neix, lauxhangz Saw- cuengh Vahcuengh saemjdingh le ca mbouj lai 300 aen swz moq 《Cibgouj Daih Doxdaeuj Vwnzyen Youqgaenj Senjbien》（cek gwnz）, yaenglwnh aen swz gaxgonq saemjdingh gvaq miz yigen mbouj doengz de, dingq aeu gij genyi lauxhangz doiq hong saemjdingh swzmoq. Baez hoih neix, doiq caenh- itbouh guh ndei hong hawj Sawcuengh Vahcuengh lai biucinj、lai gveihfan, coicaenh seizgeiz moq hwngfat saeh- nieb sawvah minzcuz miz yiyi youq- gaenj.

Ciuq cam rox, Cungguek Minz- cuz Yijvwnz Fanhyiz Giz bi 2008 hainduj aen hanghmoeg gveihfan swz moq, daj bi 2010 hainduj, daengz seizneix, aen hoih lauxhangz saemj- dingh swz moq Sawcuengh Vahcuengh gaenq youq Gvangjsih、Yinznanz daengj dieg banh baenz 12 baez, saemjdingh le baugvat swz moq Saw- cuengh Vahcuengh 23000 lai aen.

Gwnz gaihmusiz, Cungguek Minzcuz Yijvwnz Fanhyiz Giz soengq 《Cunghvaz Yinzminz Gunghozgoz Yenfaz》 《Cwngfuj Gunghcoz Baugau》（bi 2021）banj Sawcuengh、《Sawloih Cuengh Gun Ciuhneix》 hawj Liujcouh Si Minzcunghveij.

（Dangz Lungz）