Mboengqneix, Hocouh Si Minzcunghveij cujciz vunzlai hag gij cingsaenz Aen Hoih Hong Cunghgyau Daengx Guek, caiq aeu sam aen banhfap bae gvancez guhsaed gij cingsaenz baez hoih neix. Gyoengqde iugouz aeu gibseiz hagsib lwnhgangj, gyoengq ganbu minzcungh hidungj baezlaeng aeu yungh gij cingsaenz gangjvah youqgaenj Siz Ginbingz cungjsuhgi guh dazyinx, guh ndei hong cunghgyau Hocouh. Caeuq gungh’anh、gozbauj、gozanh daengj bouhmonz baedauq aeu engq maed, gibseiz rox gij saeh cunghgyau daengx si, laeb ndei gaij ndei aen gihci hong lienzfuengz lienzgaemh, fatdoengh caeuq baengh vunzlai dieg de, doxcaez laeb baenz rengz mbwk bae guh ndei hong cunghgyau. Gak gaep bouhmonz gak danhvei aeu rox swhgeij wngdang guh gijmaz, dawz minzcuz doxgiet、cunghgyau huzswnh dang guh yiengh hong youqgaenj bae ca guh, maenhsaed doidoengh hong cunghgyau Hocouh youq aen fuengyiengq cunghgyau Cunghgozva gwnzde ndaej guhlaeg guhsaed.

（Cau Ginhbinh /赵金宾）