Ranzmbanj Sanhcej baij daiz fwen, angqcoux bouxhek gak dieg daeuj. 12 nyied 10 hauh, Hozciz Si Yizcouh Gih guh Baez Daih Cibngeih Ciet Lijyouz Vwnzva Liuz Sanhcej Gvangjsih Yizcouh.

Yienhciengz aen yizsiz haimuq miz 《Fwen Couh Lumj Raemx Seizcin》《Cijmiz Fwen Daeuj Gingq Vunzcaen》《Hawfwen Vuenyungz》 daengj cezmuz. Sing fwen rwenz raeuh, daeng ronghsag lwenqda, vunzlai seiz mbouj seiz youh bekfwngz hemqndei, nauhyied dangqmaz.

Baez ciet lijyouz neix gyonjcomz langhbaij、doxgyau、doxgap、gaicawx guhdoih, hawj si de ndaej baengh ciet neix fatyiengz fwen vwnzva Liuz Sanhcej, baijok yienghndei si de, caemhcaiq doidoengh saenqhwng gij lijyouz Hozciz.

Gyawj geij bi neix, Hozciz Si guh le buek gunghcwngz、ok le buek cwngcwz youqgaenj ndeu bae langhbaij gij mingzdaeuz lijyouz Hozciz, hawj fwen vwnzva Liuz Sanhcej、vwnzva seicouz bienqbaenz mbawmbaw mingzben ronghlwenq byaijcoh seiqgyaiq.

（Lanz Yungj Cinz Fanghswh Banh Veih /蓝 勇 覃芳思 班 辉）