Siengj hwnj baezhaenx doxdax buet 400 mij, gou ndaej ngeih- daengjciengj, seizhaenx hwnj daiz bae lingx ciengj, gou gikdoengh dwk aen sim diuqbubbub.

Ngoenzhaenx，hagdangz gou guh yindungvei, gou camgya doxdax buet 400 mij. Doxdax doekgonq, gou caeuq sam boux duiyenz ndwn youq giz hainduj buet, henzgyawj cungj dwg vunz, aen sim gou gaenjcieng dwk diuqbubbub. Aenvih gou lau saw, ceng mbouj ndaej mbaw ciengj. Gou couh gujli swhgeij gaej gaenjcieng, nyinh- caen buet couh ndaej lo. Yienghneix, aen sim gou youh dingh haujlai.

Cij dingqnyi “bung!” sing ndeu, sing cungq hainduj buet yiengj lo, dou buet bae coh baihnaj vaiq raixcaix, gou dingqnyi gyoengq doengzhag hemq：“Gyarengz! Gyarengz! Gya- rengz!” Henz dujrwz gou hix dingqnyi sing rumz yiengjhuhu. Ga gou menh- menh naet lo, najaek hix in lo, rengz mbouj gaeuq lo. Gou lau saw bae, gou youh gag gujli swhgeij, mbouj ndaej saw, itdingh aeu hingz. Yienghneix gou youh vaiq buet baenaj, doeklaeng ndaej daihngeih mingz，gou angq dwk diuq ndaej sam cik sang.

Gou byaij hwnj daiz lingx ciengj, yaucangj venj ciengjbaiz coq gwnzhoz gou bae, dawz mbaw ciengj haeuj fwngz gou bae, naeuz：“Cuk- hoh mwngz doxdax buet ndaej daihngeih mingz, laebdaeb roengz- rengz!” Gyoengq doengzhag hix vih gou bekfwngz robrob cukhoh gou, aen sim gou gikdoengh dwk diuqbubbub, gou riu ndaej vuenheij raixcaix.

Neix dwg mingzdaeuz gou roengzrengz aeu ndaej, gou gvaqlaeng hix aeu lai lienh buet, hingz daih’it mingz bae.

(Sanglinz Yen Dafungh Cin Cunghsinh Hagdangz seiq nienz- gaep Cinz Cihsan boux lauxsae son’gyauq Mungz Cwngzgen)