11 nyied 26 hauh daengz 28 hauh, Aen Hoih Yenzdauj Aendangj Laebbaenz Bak Hopbi Caeuq Vwnzva Cangzcwngh Gvangjsih Huznanz Gveicouh youq Gveilinz Si Lungzswng Gak Cuz Swciyen hai. Sam aen swngj gungh miz goujcib lai boux conhgyah canghraiz camgya, dox- caez lwnh gij lizsij vwnzva Hungzginh cangzcwngh sam swngj. Gyoengqde nyinhnaeuz, sam swngj aeu laebdaeb yenzgiu、lwnhgangj、ciepcienz gij vwnzva Hungzgih cangzcwngh, dawz swh- yenz saekhoengz ndei dangguh canjnieb bae hwnqfat, guh’ok buek roen lijyouz, caez cauh caez yiengj swhyenz saekhoengz, caez guh aen binjbaiz son’gyauq hoengz. Baez hoih neix vih sam swngj doicaenh son’gyauq lizsij aendangj、engq ndei bae henhoh swhyenz hoengz、cauhguh binjbaiz son’gyauq saekhoengz ok rengz- mbwk.（Lungz Cwng /龙 政）