——Eu Fwen senhconz Luzcungh Cienzvei

唱山歌宣传六中全会

□ Cinz Siengzcouh / 覃祥周

Gwnz mbwn fwjhoengz riux fwjmaeq,

Luzcungh cienzvei hai youq Ging,

Cungjgez dangjsij bak bi rim,

Vunzbiengz haisim coh daengngoenz.

Luzcungh cienzvei neiyungz lai,

Mehmbwk bouxsai nyinhcaen hag,

Gvancez lozsiz daengx biengz ak,

Ngoenzneix haibak guh fwen haenh.

Seiqgyaiq bienqvaq seiz youh seiz,

Raeuz yaengx mbaw geiz Cungguek nding,

Mbouj lumz simnduj caeuq sawjmingh,

Ciengxlwenx vih minz maeuz leih’ik.

Cungjgez cingzcik gingniemh laux,

“Sam aen sihyau” geiq coq hoz,

Loengh cing gaxgonq raeuz byaij loh,

Genhciz cwnggoz yawj dangjsij.

Luzcungh cienzvei vix fuengyiengq,

Daengx biengz gaenriengz dangj raeuz byaij,

“Cib aen genhciz” guh dahraix,

Roengzrengz bae byaij loh ronghsag.

Aen moegbiu moq youh dingh miz,

Gaenbonj vwndiz yaek geiq maenh,

“Seiq aen bizsih” ceiq aeu haen,

Giendingh saenqniemh mbouj doenghngauz.

Moqnaj diuzrap naek baenz rin,

Daengx dangj daengx minz roengz goengfou,

Bouxboux yunghrengz bae fwndou,

Mbouj hag Yezgungh maij lungz ndwi.

Aen cangzcwngh moq boq hauh yiengj,

Vungzlai caez riengz Dangjcunghyangh,

Vid gen haenqguh sim ceiq angq,

Moqnaj loh gvangq engq ronghsag.