Ndwenngoenz vuenyungz raeuz daj gizlawz daeuj ne? dwg gyoengq senhlez yungh mingh dijbauj bonjfaenh vuenh ma. Moix baez dingqnyi gij saehsaed yinghyungz gwzming, sim gou haujlai nanz mbouj ndaej caem roengzdaeuj. Yienznaeuz raeuz seizneix lij iq lai, mbouj ndaej lumj gwzming senhlez ityiengh bauqyauq guekgya, hoeng raeuz hix miz sawjmingh youqgaenj, haenx couhdwg yungh gij rengz sawmaeg hawj guekgya engq fouqgiengz. Sawmaeg mbouj dingz mbouj duenh, raeuz seizneix cijmiz hag ndei, guh ndei moix gienh saeh, majhung le cijndaej ok faenh rengz ndanggaeuq hawj guekgya, bauqyauq guekgya engq ndei bae！

Gaej yawj gou iq, saeh gou guh ndaej lij lai dangqmaz ne. Geiq ndaej banringzgvaq ngoenz singgeiz roek ndeu, gou youq gunghyenz henz hagdangz guh- caemz, guhcaemz baeg le, gou couh naengh roengzdaeuj yietnaiq. Seizneix, gou yawjraen miz dax- heiz ndeu dawz daegnuengx iq cingq gwn makgam, gyoengqde riu ndaej angq dangqmaz, naj riunyumjnyumj, hoeng gyoengqde doq gwn doq vut naengmak youq henz aencongz, gou byaij gvaqbae, baenz di baenz di gip naengmak hwnjdaeuj. Daxheiz raen le mbouj eiqseiq rag daegnuengx iq caez gip naengmak, caemhcaiq vut haeuj ndaw doengjnyapnyaj bae, yienz- haeuh daxheiz riu dwk lumhlah gyaeuj gou, naeuz：“Siujbaengz- youx mwngz caen dwg boux hagseng iq vwnzmingz ndeu, dwg boux yienghndei ndeu！” Gangj sat de daengj lwgfwngzmeh haenh gou, caemhcaiq doiq daegnuengx iq naeuz：“Gij hingzveiz ngoenz- neix raeuz mbouj deng, coglaeng raeuz yaek hag dahcej, nyapnyaj aeu vut haeuj ndaw doengj- nyapnyaj ba, baujhoh vanzging gyaeundei, guh boux gunghminz vwnzmingz ndeu.” Daegnuengx iq ngaekngaek gyaeuj, gou vuenheij dangqmaz, gou yungh hengz- doengh yingjyangj bouxwnq, gou roxnyinh miznaj!

Raeuz wnggai fatyiengz gij cienzdoengj ndei Cungguek, guh boux vunz daudwz binjcaet ndei ndeu. Miz hot sei ndei baenz neix raiz:“Bannomj ak guek couh ak, bannomj fouq guek couh fouq. Ndigah, raeuz wngdang guh boux lwgnyez ndei seizdaih moq, vih guek ceng aeunaj.”

(Nanzningz Si Yunghningz Gih Daihngeih Siujyoz Lungz- gangj Fwnhyau Vangz Swjnoz)