Caet nyied ngamq fatbouh,

Ligdoh mbouj yungh naeuz,

Hawj aen hagdangz raeuz,

Daiq daeuj bienqvaq daih.

Gaxgonq cozyez lai,

Saedcaih mbouj ndaejhoengq,

Seizneix noix youh soeng,

Ndaej caeuq goeng lwnh goj.

Baihrog hagdangz raeuz,

Mbouj miz beizyinbanh,

Ndaejhoengq couh bae banh(guhcaemz),

Maranz lienh sij saw.

Ndaw hag dingh fangh’an,

Hanghhangh miz vunz guenj,

Gaiq maz cungj mbouj luenh,

Duenhduenh cungj genjcaz.

Mboujdan son vwnzva,

Lienhndang hix ca ndei,

Doxdax dwg ciengzseiz,

Fungfouq saedceij raeuz.

Hagseng dangq lwg raeuz,

Dwgrengz cungj mbouj lau,

Cuengq caeuz lai fujdauj,

Caetliengh ndaej baujcang.

Cijaeu yiemz yauhgiuz,

Hagseng ciuq raeuz guh,

Caezgya yunghrengz nu,

Itdingh guh ndaej baenz.