Mbauq:

Nuengx mwngz dangq dujva,

Youq bya lawz doeng ndongq,

Beijgangj youq daxhongh,

Ndongq daengx cienz mbanj doh.

Sau:

Beix mwngz dangq goengqbya,

Youq gaz(giz) lawz doeng onj,

Va ndaej ciemq aen monh(dieg),

Couh ndaej onj daengx ciuh.

Mbauq:

Nuengx mwngz dangq dujva,

Youq bya lawz doeng ndei,

Danghnaeuz youq ndaw hei(haw),

Vanzlij meiz(miz) vunz ganq.

Sau:

Beix mwngz dangq goengqbya,

Youq gaz(giz) lawz doeng ndei,

Danghnaeuz youq ndaw hei(haw),

Ngoenzngoenz meiz(miz) vunz youz.

Mbauq:

Nuengx mwngz dangq dujva,

Rang gvaq bya neix daeuj,

Beix dangq aen mak naeuh,

Haeu vunz mbouj haeuj henz.

Sau:

Miz raemx cij miz bya,

Miz naz cij miz haeux,

Nuengx caemh miz beix aeu,

Raeuz cij ndaej doxbaengh.