bouxraiz Lozwjdwz Dazwj bouxhoiz Cwz Fanghdingz

罗尔德·达尔 著 翟芳婷 译

2 Nyaenma Sienseng

Aen bya iq henz lueg miz ndoeng faex ndeu, ndaw ndoengfaex miz go faex hung ndeu, laj dieg go faex hung miz aen congh ndeu, ndaw congh miz nyaenma sienseng、maex nyaenma caeuq seiq duz nyaenma lwg gyoengqde youq.

Moix ngoenz, mbwn ngamq ndaem, nyaenma sienseng couh yaek cam maex de：“Vei, maex ndei gou, ngoenzneix naemj gwn gijmaz ni? Gaeqmeh biz Bozgizswh? Hanq biz bit biz Banghswh? Roxnaeuz gaeqhojgih ndei Bijwnh?” Caj maex de diemj byaek yaq, nyaenma sienseng couh swnh ndaem caegcaeg haeuj lueg bae, cigsoh aeu.

Bozgizswh、Banghswh caeuq Bij- wnh dang’yienz rox doxgaiq deng bouxlawz caeg bae lo, gyoengqde hozhwnj dwk yaek fatbag bae. Gyoengqde mbouj dwg vunzndei haengj bang vunz, gaej naeuz dwg caeg doxgaiq gyoengqde, couhdwg naemj caj gyoengqde hawj di doxgaiq ndeu cungj hoj bw. Ndigah, haemhnaengz, gyoengqde cungj dawz cungq dwk- nyaen, ndoj youq diegndaem ciengz dajciengx bonjfaenh, caj gaemh lwg- caeg.

Hoeng, nyaenma sienseng dauq- daej ak gvaq gyoengqde, de cungj dwg daj mbiengj rumz baed daeuj haeuj- gyawj gizdieg de naemj bae haenx. Hix couhdwg naeuz, danghnaeuz baihnaj miz vunz ndoj youq diegndaem, couh- suenq gek ndaej gig gyae, rumz hix baed gij heiq de haeuj ndaw ndaeng nyaenma sienseng bae. Yienghneix, danghnaeuz Bozgizswh ndoj youq baihlaeng rongzgaeq 1 hauh de, nyaenma sienseng liz seiqcib lai mij couh nyouq raen de, de couh sikhaek gaij fueng’yiengq, cigsoh bongh bae coh rongzgaeq 4 hauh hwnq youq mbiengj linghvaih ciengz dajciengx haenx.

“Duz cukseng dai gaj neix!” Bozgizswh fok ndaq.

“Gou yaek rag daep saej de okdaeuj!” Banghswh hemq naeuz.

“Gaj dai de!” Bijwnh swenj.

“Baenzlawz gaj?” Bizgizswh cam, “raeuz guhlawz cij gaemh ndaej duz dai gaj neix?”

Bijwnh yungh niux fwngz raezrang ndeu menhmenh bae mbonmbon congh ndaeng, naeuz： “Gou miz banhfap.”

“Mwngz lij miz maz banhfap ndei.” Banghswh naeuz.

“Haepbak dingq youq.” Bijwnh riengz naeuz, “haemhcog, raeuz couh ndoj youq bakcongh duz nyaenma haenx, caj de iet gyaeuj okdaeuj, raeuz couh……Bumh! Bumh bumh bumh!”

“Baenz ha, baenz!” Banghswh naeuz, “hoeng raeuz aeu ra raen bakcongh de gonq cij ndaej.”

“Banghswh, bakcongh gou gaenq ra raen lo.” Bijwnh ganvad dap naeuz, “couh youq ndaw ndoengfaex gwnz bya, baihlaj gofaex hung ndeu……”