10 nyied 22 hauh, youq Yungzanh Yen Yungzgangh Segih, dah cujboh Bouxcuengh cingq youq gwnz muengx cigboq gai gij huqdoj Yungzanh. Mboengqneix, gyoengq cujboh Yungzanh Yen cungj nyaengq youq Doujyinh、Vaiqsouj daengj lai aen bingzdaiz cigboq gai huq, coh daengx guek lwgminz doisiu gij doxgaiq yienh de, doengh gij huqdoj dieg de bienqbaenz aenaen dinghdan bae daengz daengx guek gak dieg. Daengz seizneix, Yungzanh gaenq miz 749 aen giyez guh densangh, gak cungj bouq gwnz muengx miz 23251 aen. Bi 2016 daengz bi 2020, yienh de denswj sanghvu ngaenz gaicawx cungj gungh mauhgvaq 133 ik maenz, daiqdoengh 7 fanh vunz baedauq couhnieb cauhnieb, ndaej demsou 5.6 ik maenz, gyamaenh gij hongbaenz gunggeng duetgungz, coengh rengz lajmbanj hwnghoengh.

（Veiz Yungzginh / 韦荣军）