Vih caiq haeujlaeg hagsib roxyiuj gij swhsiengj youqgaenj Siz Ginbingz cungjsuhgi gvendaengz gyaak caeuq gaijndei hong minzcuz, dem’ak minz- cuz doxgiet, cienzboq rengzcingq, doidoengh dieg henzguek hwngfat ndaej cizlieng sang, mboengqneix, Bingzsiengz Si hai aen ban yenzdauj“gyaak cingsaenz minzcuz doxgiet,gyonjcomz rengzmbwk guhhoengh laj- mbanj”, iu le doengh boux conhgyah Swcigih Segohlenz hawj gyoengqvunz hwnjdangz. Aen ban neix gangj le gij iugouz moq、diuzrap moq gvendaengz minzcuz doxgiet laeng seizdaih moq、fatyiengz cingsaenz minzcuz dwg gij rengz goek guhhoengh lajmbanj、baenzlawz aeu fatyiengz cingsaenz minzcuz doxgiet bae doidoengh lajmbanj Bingzsiengz saenqhwng daengj. Daihgya doxgyau hagsib le, engq roxyiuj cukmaenh gij eiqsik caezcaemh Cunghvaz Minzcuz dwg baenzlawz youqgaenj de, engq rox- nyinh aeu rap ndei diuzrap guh ndei hong cauhlaeb minzcuz doxgiet baenaj, haeujlaeg hagsib doxgiet gak minzcuz beixnuengx bae doidoengh guhhoengh lajmbanj dwg gij hong Swcigih Dangjveij、Cwngfuj seizneix、baezlaeng cungj youqgaenj ndeu, dwg gij hong Gvangjsih hwngfat raiz bien moq aeu guh ndei de. Gyoengqvunz naeuz baezlaeng aeu guh ndei hong swhgeij, guhsaed guhcaen, guh ndei hong minzcuz seizdaih moq Bingz- siengz, caez okrengz coicaenh minzcuz doxgiet.

（Lij Fung / 吕 凤）