Ranzlaeuz doengh dem doengh,

Goengloh gvangq youh bingz,

Banci buet mbouj dingz,

Soengq lwgminz baedauq.

Haeuj laep lohdaeng hwnj,

Gwnz mbwn ronghcancan,

Mehmbwk youq cauhcangz,

Bouxboux angq eu fwen.

Roekcib bi vunzlaux,

Saedceij miz baujcang,

Dajan mwngz youq ranz,

Doxgaiq cang rimrad.

Miz bingh hix mbouj lau,

Bouxboux miz baujyiemj,

Danghnaeuz haeuj yihyen,

Miz guekgya demh ngaenz.

Gwndaenj cungj mbouj you,

Bouxboux sim angqyangz,

Docih gungcanjdangj,

Gaijgwz hailangh ndei.