Mboengqneix, Sanglinz Yen haiguh aen doxdax siujhagseng aeu Vahcuengh biucinj langhbaij dungxcaiz, baijok gij makbaenz Cuengh Gun son’gyauq hagdangz yen de, coicaenh gij hongsaeh Cuengh Gun sonhag hwngfat mwnhoengh.

Ngoenz de, daengx yen miz ngeihcib caet aen Cuengh Gun siujyoz camgya doxdax. Doengh aen cezmuz lumjbaenz fwen Bouxcuengh、heiq gobwnj、siuj- binj daengj dawz gij daegsaek minzsug Bouxcuengh dieg de caeuq gij gyauyuz hagdangz doxyungz hwnjdaeuj. Doeklaeng caiq bingzok haj aen it daengj ciengj, ngeih daengj ciengj caeuq sam daengj ciengj gak cib’it aen. Ndawde,《Hwnqguh Lajmbanj Moq，Eu Fwen Soengq Hawj Dangj》 hot fwen Hangyenz Cin Sanhsuij Siujyoz caeuq 《Aen Loqsiengj Cungguek Gou》 aen siujbinj Dangzhungz Yangh Lungzsiengz Siujyoz ndaej dai- byauj Sanglinz bae camgya aen doxdax daengx gih. Fwen de eu ok vunzlai ndaej duetgungz le gig gyo’mbaiq、danqhaenh aendangj; siujbinj de cix aeu gij vah bouxlaux bouxlan sam daih geqgangj gij eiqsik engq laeg aen loqsiengj Cungguek, hingzsik biujyienj cix moq cix daegbied, gig mizyinx.

( Lanz Vujgenh / 蓝武坚)