Ciet ndwenbet cibngux haemhhaenx, ronghndwen venj youq gwnzmbwn, lumj aenbuenznyawh hung ndeu, youh lumj aen daengloengz hung ndeu, ronghndwen ronghsagsag ciuq youq gwnz dieg couh lumj doengxngoenz nei.

Youq laj ronghndwen, gou caeuq daxmeh riuj aen daengloengz bae youz, gou caeuq daxmeh byaij youq gwnz gai, gwnz gai vunz gig lai, ci vunz baebae dauqdauq, nauhyied raixcaix, gij daeng hoengzhoengz heuheu migmyanz. Gwnz gai miz vunz gai vanzgi, hix miz vunz cawx vanzgi, gou yawjraen le hix heuh daxmeh cawx aen ndeu hawj gou. Dou byaij daengz henz dah, yawjraen miz vunz youq henz dah cuengq Daenggungjmingz, Daenggungjmingz mbin daengz gwnzmbwn, gwnzmbwn lumj miz lai aen rongh- ndwen ndeu nei.

Haemh ndwenbet cibngux caen ndei guhcaemz ha！

(Sanglinz Yen Dafungh Cin Cunghsinh Hagdangz seiq nienzgaep Cinz Cihsan boux lauxsae son’gyauq: Mungz Cwngzgen)