Yiuhrumz mbinnyeg youq gwnz mbwn caeuq roegenq mbin gwnz mbwn haenx doxbungz lo.

Yiuhrumz doiq roegenq naeuz：“Mwngz cwxcwx caihcaih youq gwnz mbwn mbin caen ndei ha!” Roegenq naeuz：“Mwngz deng bouxwnq yien mbin, cij ndei!” Yiuhrumz danq gaemz heiq he naeuz：“Hoeng gou hozhaenz mwngz cwxcwx caihcaih ha, naemj mbin couh mbin, baeg le youq nyefaex yietbaeg, ciengqciengq go, ndwenngoenz bonjfaenh gag guhcawj, ndei lai!” “Gou youq gwnz mbwn ndoengfaex yienznaeuz yawjraen vayingzcunh gyaeuget caeuq mbawfaex loenqbyoegbyoeg, hoeng mwh canghdwknyaen coh baihgwnz hai cungq, gou aiq yaek deng sieng lo.” Yiuhrumz naemjnaemj naeuz：“Ndaw hawsingz mbouj miz canghdwknyaen, yawj hwnjdaeuj lijdwg gou ndei lo!” Roegenq ngaekngaek gyaeuj.

Roegenq doiq yiuhrumz naeuz：“Song raeuz raennaj baez nduj, boux miz boux sim’angq caeuq sim mbouj angq, doxcaez daeuj diuqfoux ba.” Yiuhrumz dapwngq, gyoengqde youq gyangmbwn diuqfoux hwnjdaeuj, yinx ndaej haujlai roeg daeuj humxyawj, gyoengq roeg haenh gyoengqde diuq ndaej ndei, haenh gyoengqde caen ak!

Yiuhrumz caeuq roegenq baenz cungj baengzyoux ndei gijmaz cungj gangj haenx!

(Ngeih nienzgaep Cinz Cinyiz)