Seizcou, ndoengfaex lij heu- sausau, byaij haeuj ndoeng batgak bae, dauqcawq cungj dwg gij heiq batgak rangfwtfwt de. Gyawj geij ngoenz neix doxdaeuj, gij batgak Bwzswz Si Yougyangh Gih Dalwng Yangh ndaej sou lo, vunzmbanj cingq ca’gaenj mbaet、 dak batgak, singriu sing’angq daj ndaw ndoeng、 gwnz diegdangz cienz okdaeuj. Batgak dwg gohuq ginghci Dalwng Yangh ndawde cungj ndeu, de ndaej sou vaiq, ndaej ngaenz vaiq, cix mbouj hoj guenj baenzlai. Yangh de couh dawz batgak dangguh aen canjnieb daegsaek ndei、canjnieb swnghdai, gujli vunzlai dajndaem gij binjcungj ndei de、gaijcau doenghgij ndoengfaex canj- liengh daemq haenx. Caiq son vunzlai baenzlawz fuengzre nonhaih、baenz- lawz gohyoz dwk bwnh, ra roenloh bang vunzmbanj guh gaicawx, caenh- rengz dajcauh aen canjnieb binjbaiz batgak, caemhcaiq guh’ok makbaenz ndei daeuj. Bineix, daengx yangh ndaem le 10 fanh lai moux batgak, aiq sou ndaej 120000 dun yienghneix, caencaen cingqcingq bang vunzlai demsou baenzmiz.

（Lanz Gingganj / 蓝庆侃）