Hocouh Si Bazbu Gih aeu cauhlaeb minzcuz doxgiet baenaj bae doidoengh lajmbanj hwngfat, coicaenh gak minzcuz baedauq gyauhliuz yungzhab, cienzok sing ndei minzcuz doxgiet daeuj, haenqrengz cauhguh aen gihci dingjnanz cauhlaeb minzcuz doxgiet baenaj, caemhcaiq caeuq hwnghoengh lajmbanj daj ndei giekdaej maenhsaed.

Bazbu Gih genhciz dangjgen dazyinx, gyaak aendangj lingjdauj hong minzcuz, dawz hong cauhlaeb minzcuz doxgiet baenaj gyahaeuj aen daihbuenz caezcaemh maeuzveh ndawde bae, lij laebbaenz aen lingjdauj siujcuj cauhguh aen gih yienghbanj dem, gaenxmaenx caeuq vunzlai gaijgez vwndiz. Gih de caenhrengz cauhguh gihcwngz cujciz, caeuq doengh aen mbanj vunzlai siujsoq minzcuz comzyouq de ra aen ban “song veij” ndei ak, yungh gij- rengz gihcwngz dangjcihbu, gungganq buek ganbu siujsoq minzcuz bae coengh rengz guhhoengh lajmbanj.

Bazbu Gih dawz cauhlaeb minzcuz doxgiet yungzhaeuj hwngfat lijyouz lajmbanj bae, aeu swhyenz ndei swhgeij roengzrengz baujhoh caeuq ciepcienz foux meuzfeiz Bouxcuengh、foux gyongraez Yauzcuz daengj feihyiz vwnzva, daiqdoengh canjnieb minzcuz miz daegsaek de mwnhoengh hwngfat, aeu lai diuz roenloh bang vunzlai demsou. Gih de caiq aeu gij daegsaek vwnzva souh- yienz doidoengh canjnieb Ywyauz dieg siujsoq minzcuz caeuq canjnieb lijyouz、ciengxlaux yungzhab hwnj- daeuj, daiqdoengh gyoengqvunz seiq henz yangh cin couhnieb.

Bazbu Gih daj gyaeuj daengz rieng cungj aeu aen leixniemh “aeu lwgminz guh cunghsinh” bae guh hwngfat, giethab cauhlaeb minz- cuz doxgiet baenaj guh aen canloz guhhoengh lajmbanj, gietcomz sim- vunz, gyonjcomz gijrengz vunzlai. Bi 2018 daengz bi 2021, gih de gungh roengz 1188 fanh maenz ngaenz bang doengh aen mbanj miz 20 hoh vunz doxhwnj de bu roensuijniz, caiq caeuq gizdieg siujsoq minzcuz comzyouq de hwnj le 20 lai aen veiswnghsoj daengj, gaijndei gwndaenj vunzlai, hawj gak dieg gak minzcuz hwngfat ndaej doxdaengh, hawj vunzlai gvaq hwnj ndwenngoenz engq ndei engq baenz de.

（Yangz Siujginz Liu Yizbinz / 杨小琴 廖益嫔）