Banhaet seizcin, roegenq youq gyangmbwn angqyangz mbin bae mbin dauq, vayingzcunh mbin doek daengz gwnz dieg, hawj ndoengfaex rangfwtfwt.

Boux vunzguhnaz ndeu hwnj bya raemj fwnz, dingjlingz bungz raen aen bingz ndeu. De byaij gvaqbae baenq hai fabingz, okdaeuj duz cinglingz iq ndeu, duz cinglingz haenx naeuz：“Mwngz hawj gou ndaej dauq swyouz, gou haengjdingh bauqdap mwngz, aen daeh neix mwngz naemj aeu gijmaz couh miz gijmaz, mwngz cijaeu gangj ok gij doxgaiq mwngz naemj aeu, de couh miz okdaeuj.” Gangj liux mbouj raen lo.

Vunzguhnaz dauq daengz ranz, aeu saehcingz lwnh mehyah, mehyah naemj aeu ndaej gaiq dijbauj neix, couh naeuz：“Mwngz ngoenzneix raemj fwnz gaenq baeg lai lo, yietbaeg yaep ndeu ba.”De raen bouxgvan haeuj rug bae ninz le, couh dawz aen daeh okdaeuj, gangj gij doxgaiq bonjfaenh naemj aeu haenx, gim、cawbauj、aen ranz hung daengj.

Banhaet, vunzguhnaz caeux- caeux hwnq le, yawjraen bonjfaenh youq ndaw aen ranz hung, fungh rug gyaeundei raixcaix, byaij daengz baihrog raen mehyah ninz youq aen eijninz gwn raemxmak, hoeng mehyah de mboujdan mbouj aeu cienz hawj de lij gyaep de deuz dem. Vunzguhnaz cijndei byaij daengz dieg gyae’gyanggyang bae.

Ngoenz daihngeih banhaet, mehyah yawjraen bonjfaenh ninz youq henz dah, caiq baez lumh aen daeh, aen daeh mbouj raen lo, de cij ndaej youq aen ranzgaeuq gadog gvaq ndwenngoenz.

(Ngeih nienzgaep Vangz Cizdanz)