Cungguek Gungcanjdangj,

Gangj vah coenz baenz coenz,

Aeu fugsaeh guh bonj,

Gyonj ndaej lwgminz gyaez.

Hengz gaijgwz haihlangh,

Hanghhangh cungj guh baenz,

Lwgminz da ndaej raen,

Caensim gyaez aendangj.

Cingcinj bae fuzbinz,

Dwkhingz ndaej duet hoj,

Vix ndei bangbouj loh,

Hohhoh ndaej fanndang.

Mboengqneix raeuz gwnzbiengz,

Yienghyiengh yienj mwnhoengh,

Ndawsingz daeng engq rongh,

Lajmbanj doengh demsou.

Guh ndaej baenz siujgangh,

Baengh dangj lai yinghmingz,

Raeuz lwgminz gietdingh,

Dingjmaenh riengz dangj byaij.