Singhgiz seiq banringzgvaq, aen gyaqsaw Vangz lauxsae youq gwnz muengx cawx haenx dauq- daej daengz lo.

Vangz lauxsae riu naeuz：“Byawz nyienh caeuq gou itheij cang gyaqsaw ha？” Luz Yidungz、Cangh Yisoz、Cuh Sih caeuq gou gag ndwn okdaeuj byaij coh gyangjdaiz. Daihgya cek hai siengceij, yawjraen baihndaw miz bo benj、dietdiuz、dingluxsae hung iq mbouj doengz ndeu. Dou boux yawj boux, mbouj rox baenzlawz guh. Seizneix, dan raen Vangz lauxsae dawz soujgih okdaeuj riu naeuz:“Gizneix miz sibinz son cang, gyoengqsou ciuq baihgwnz baenz bouh baenz bouh bae cang gyaqsaw.”

Dou humx dwk nyinhcaen yawj soujgih, ngamq yawj baez ndeu, daihgya couh caj mbouj ndaej cang hwnjdaeuj lo, yaep ndeu gyaqsaw couh raen baenz yiengh lo, sawqmwh, Vangz lauxsae yawjraen gaiq benjgek cang fanj lo, caen dwg “boux- coengmingz cien naemj, goj miz baez saet” ha! Yienghneix daih- gya ganjmuengz lid benjgek roengzdaeuj dauqcungz cang ndei. Dauqdaej, gyaqsaw gyaeu- ndei cang ndei lo. Vangz lauxsae haenh dou caen ak！

Gyaqsaw cawx moq mbouj- dan gaijgez le aen vwndiz cuengq saw, caemhcaiq duenhlienh le gij naengzlig yawj doz、naengzlig naemj caeuq naengzlig doengh fwngz dou dem, caen dwg mbat banhfap ndeu ndaej lai yungh ha!

(Gyanghsuh Swngj Haij- mwnz Ginghci Gisuz Haifat Gih Siujyoz Ciz Swjhangz)