Gyawj geij bi neix doxdaeuj, Bwzswz Si cienzmienh gvancez guhsaed gij vah gvendaengz hongsaeh minzcuz youqgaenj caeuq gij cingsaenz cazyawj Gvangjsih Siz Ginbingz cungjsuhgi, aeu “it sienq sam yungzhab haj vaq”bae guh gij hongsaeh cauhguh minzcuz doxgiet baenaj. Couhdwg gaemmaenh cukmaenh gij eiqsik caezcaemh Cunghvaz Minzcuz diuz sienqmeh neix, dawz cauhguh aen si guhyiengh minzcuz doxgiet baenaj daengx guek caeuq gij hong youqgaenj、gij baijbouh daengx buenz、cauhguh aen si vwnzmingz doxyungz hwnjdaeuj, ciuq gij roenloh cingsaeqvaq baijbouh anbaiz、biucinjvaq doidoengh guhsaed、vangjgwzvaq son’gyauq lwnhgangj、daegsaekvaq dajcauh ronghdiemj、yinzvwnzvaq fugsaeh ginz- cung bae guhhong. Lumjbaenz aeu gij youhsi giz dieg henzguek、minzcuz daengj dajcauh “sam rangh seiq sienq haj dieggiek cukmaenh gij eiqsik caezcaemh Cunghvaz Minzcuz Bwzswz Si”, bang vunz siujsoq minzcuz liuzdung ra hong daengj, byaijok diuz roen miz daegsaek Bwzswz、habngamj daegdiemj minzcuz、 yienh’ok gij simmuengh vunzlai gak minzcuz ndeu.

(Vuj Cunghgoz / 伍忠国)