Neix dwg gienh saeh hawj gou heiqndat dangqmaz ndeu, hix dwg gienh saeh hawj gou siengsim dangq- maz ndeu.

Vanhvanh dwg duzma liuzlangh dwggyaez raixcaix ndeu, gou ciengz- seiz dawz doxgaiq hawj de, ciemh- ciemh, dou couh sug lo.

Gou gip de ma gueng, mbangj seiz dou caez doxgyaep, caez guh- caemz, hoeng de couhdwg mbouj ei haeuj ranz gou.

Gou cijndei youq bakdou ranz gou guh aen rongz ndeu hawj de, de moix haemh youq gizhaenx ninz, gou dinghseiz bae sousib hawj de. Geij ngoenz neix aen dungx Vanhvanh ciemhciemh bienq hung lo, gou doeksat raixcaix.

Gvaq duenh seizgan ndeu le, de daihgaiq yaek roengz lwg lo, yiengh- neix gou aeu haujlai doxgaiq ndei hawj de gwn, hawj de lai bouj naengzliengh, roengz lwg cij mbouj baenzhaenx sinhoj. Hoeng gou mbouj rox ciep seng, yienghneix gou ra daxmeh daeuj bang. Ndaej daengz gou caeuq daxmeh ciuqgoq, duzma roengz le 6 duz malwg iqetet.

Malwg ngoenz beij ngoenz maj- hung lo, gou caeuq gyoengq baengz- youx gou sim’angq dangqmaz. Vanh- vanh hix rox goq lwg, malwg ngoenz hung gvaq ngoenz. Miz ngoenz ndeu, miz duz malwg ndeu mbouj raen lo, gou gaenjgip raixcaix, raen gwnz dieg miz di lwed, gou sikhaek mbouj miz muengh lo. Gou engq gyaez geij duz lij lw haenx.

Ngoenz ndeu, gou cuengqhag dauqma, gou heuh Vanhvanh, hoeng mbouj miz saekdi doenghdanh. Gou cingq geizheih, couh dingqnyi vunz seiqhenz naeuz aen doih hoenx ma daeuj gvaq, gaj dai Vanhvanh hojlienz bae lo.

Dingq daengz neix, gou raemxda sikhaek doek lo, siengsim dangqmaz.“Vihmaz aeu gaj Vanhvanh bae, Vanhvanh youh mbouj haeb vunz.” Gou heiqndat dangqmaz naeuz.

(Liz Ci’gyangz)