Mbouj miz gungcanjdangj,

Gangj maz Cungguek moq,

Hag lizsij cij rox,

Cungguek moq dangj hawj.

Gaxgonq raeuz Cunghgoz,

Beksingq hoj youh gungz,

Ngaiz sam goengq bya hung,

Fung daenz gwnz dingj gyaeuj.

Dangj lingjdauj beksingq,

Gwzming vih daihgya,

Doifan sam goengq bya,

Danggya guh bouxcawj.

Hoenx ndaej liux bya dah,

Guekgya vanzlij hoj

Yaek byaij gijmaz loh,

Doxhab cingzgvang raeuz.

Seveicujyi loh,

Doxhab raeuz guekgya,

Saenqhwng raeuz Cunghvaz,

Ga loh neix byaij deng.

Seveicujyi ndei,

Gwnz hei(haw) daengz lajmbanj,

Vunzlai roengzrengz can,

Gwn van daenj hix raeuj.

Guh gaijgwz hailangh,

Dangj vih raeuz beksingq,

Ok haujlai gvidingh,

Hawj beksingq fatcaiz.

Yamq haeuj seizdaih moq,

Yied byaij loh yied gvangq,

Cienzmienh guh siujgangh,

Beksingq angq raixcaix.

Lizsij youq neix baij,

Vunzlai bouxboux raen,

Minz fouq guek hix maenh,

Bouxboux raen liux nauq.

Mbouj miz gungcanjdangj,

Gangj maz Cungguek moq?

Guh maenh’ak Cunghgoz,

Doq dwg dangj lingjdauj.