7 nyied 29 hauh, Hwngz Yen guh aen yizsiz biengjbaiz gaij yen laeb si, cingqsik senhgau Hwngzcouh si laebbaenz. Bineix 2 nyied, Gvangjsih Yinzminz Cwngfuj Vangjcan fat siusik naeuz, ging Gozvuyen bihcinj, Minzcwngbu bihfuz hawj Gvangjsih gaijbae Hwngz Yen, laebbaenz aen yen gaep Hwngzcouh Si, youz swcigih guenjleix, Namzningz Si bang guenj. Gij gvangq dieg hingzcwng de miz 3464 bingzfueng goengleix, guenj 16 aen cin caeuq aen yangh ndeu, daengz byaibi 2019 miz 127.82 fanh vunz. Aen yen neix miz gij mingzdaeuz “aen ranzmbanj mozli Cungguek”, gij canjlieng de ciemq daengx guek 80%、ciemq seiqgyaiq 60% doxhwnj.(ciuq Yinzminzvangj)

(Sinj Cenzciz / 沈泉池)