Vih cienzmienh gvancez guhsaed gij vah gvendaengz gij hongsaeh minzcuz youqgaenj Siz Ginbingz cungjsuhgi, coicaenh gij hongsaeh cauhlaeb minzcuz doxgiet baenaj. 7 nyied 30 hauh, youq mwh “Baz Yiz” Genginhcez yaek daeujdaengz seiz, Fuconh Yauzcuz Swciyen Minzcunghgiz caeuq Vujgingj Cunghdui yen de guh hozdung “doengzsim cuk loqsiengj riengz aendangj byaij, roengzrengz buekguh yamqcoh diuzroen moq” haeuj ginhyingz son’gyauq lwnhgangj minzcuz doxgiet baenaj. Hozdung miz sonhag lizsij aendangj、diuq fouxfaexsaux、biujyienj sanjdaj、doxdax ciengjdap gij cihsiz minzcuz caeuq lizsij aendangj daengj. Haeuj laeng ginhyingz bae son’gyauq gijneix ndaej hawj gij hongsaeh cauhlaeb minzcuz doxgiet baenaj iet bae engq gyae. Mbat hozdung neix mboujdan lwnhgangj le lizsij aendangj, lij gyalaeg le gij cingzngeih bouxbing caeuq lwgminz, hawj gij swhsiengj minzcuz doxgiet baenaj、gij eiqsik caezcaemh Cunghvaz Minzcuz haeuj uk haeuj sim, cauh’ok gij fwnhveiz “bouxbing gyaez lwgminz、lwgminz haeuj bouxbing、bouxbing lwgminz doxgiet ranz caen ndeu”.

(Lij Cinlingz Lij Sezyiz / 李俊玲 李雪仪)