Cungguek Gungcanjdangj,

Couh dangq aen daengngoenz,

Ciuq lueglueg ndoengndoeng,

Raen najroen yienhsag.

Cungguek Gungcanjdangj,

Coenzcoenz gangj cingqdeng,

Cungj mbouj lau dwgrengz,

Ceng leih’ik beksingq.

Cungguek Gungcanjdangj,

Coenzcoenz gangj cingqcaen,

Lwgminz haengj bae gaen,

Guh baenz yiengh dem yiengh.

Cungguek Gungcanjdangj,

Sinyangj Maj-Lez-Mauz,

Gijmaz cungj mbouj lau,

Fwngzhau guh hwnjdaeuj.

Cungguek Gungcanjdangj,

Ndaej gaijfang biengz raeuz,

Biek “yangzhoj” “yangzyouz”,

Daz raeuz gag cauxguh.

Cungguek Gungcanjdangj,

Guh hailangh gaijgwz,

Haifat swhyenz lw,

Diegfwz ok caizbauj.

Cungguek Gungcanjdangj,

Yamqyamq byai mbouj dingz,

Seizdoeng daengz seizcin,

Hamj din seizdaih moq.

Cungguek Gungcanjdangj,

Guh cingqhangq banggungz,

Beksingq caez vuenyungz,

Ndaej vut gungz baenzfouq.

Cungguek Gungcanjdangj,

Cibseiq ik boux vunz,

Doxgiet baenz rengz hung,

Ndaej dingj rumz dingj langh.

Cungguek Gungcanjdangj,

Gangj daengz couh guh daengz,

Gaijbienq yiengh doeklaeng,

Guek raeuz baenz guek ak.