7 nyied 8 hauh，vunmbanj Dunghlanz Yen Sanhnung Yauzcuz Yangh cungj dawz gyaeqgaeq hoengz caeuq laeuj haeux，ndwn youq bakdou Mbanjyauz Nungningz eu fwen、roq nyenz coux bouxhek. Gvaq ciet ne beixnuengx Yauzcuz aeu caeq cojgoeng gonq，doeklaeng cij eu fwen、gwn Laeujdaizraez Yauzcuz daengj. Gyoengqde lij cingj le doenghgij biujyienjdoih Duh’anh Yen、Dadungz Yangh、Cangzloz Cin daengj caez biujyienj gij cezmuz gig miz daegsaek minzcuz，lumjbaenz《Cien Bi Golaux Yauzcuz》《Fouxcouxhek》. Bouxhek lij ndaej caenndang siuq man、ndaek nyenz、dwk gyangq、nyingz naq daengj. Gyawj geij bi neix，Dunghlanz Yen gaenxmaenx hawj daegsaek vwnzva caeuq lajmbanj guh lijyouz doxyungz，dazyinx vunzmbanj byaij coh ndwenngoenz engq ndei haenx.

（Loz Youjswh Veiz Yilaiz / 罗有思 韦玉来）