7 nyied 8 hauh，Sanglinz Mbanjyauz Cinhih youq Baizhungz Cunh Mbanjbaizbah guh baenz buek hozdung gvaq Cietdaznuj dem hoh aendangj laebbaenz 100 hopbi. Beixnuengx Yauzcuz ndang daenj buhvaq minzcuz youq bakmbanj ndaek gyong、 eu fwen、diuq foux Yauzcuz，baij laeuj baij gijgwn feih simhoengz ma daihhek. Yienhciengz miz gangj gojgaeq hoengz、ciengq diuzgo《Mbanjyauz Eu Fwen Haenh Aendangj》、 langhbaij “hwnj byacax”“roengz haijfeiz”daengj minzsug，yinx ndaej haujlai hekyouz daeuj guhcaemz、daej- niemh yienghndei Yauzcuz. Gak minzcuz vunzlai diegde caemh itheij gvaq aen ciet hoengh Yauz- cuz neix， gyoengqvunz doxgiet lumj ranz caen ndeu. Baezlaeng aen yangh neix yaek guhlaeg guhsaed gij cingsaenz gangjvah“7.1”Siz Ginbingz cungjsuhgi，laebdaeb doidoengh sonhag lizsij aendang haeuj gihcwngz，hwngfat canjnieb moq，caenhrengz guh- hoengh lajmbanj.

（Veiz Sezyenz / 韦雪妍）