It gouj ngeih it nienz,

Daengx guek cungj ngeix cienz,

Seizhaenx yaek vuenh vuengz,

Daengx biengz haidaeuz luenh.

Laebbaenz gungcanjdangj,

Couhdwg vih lwgminz,

Gungcanjdangj yinghmingz,

Vih lwgminz guh saeh.

Gungcanjdangj aen sim,

Lwgminz seizseiz rox,

Yaek guenj daengx Cunghgoz,

Mbouj rox guh daengz lwi?

Ciengj Gaisiz guhcawj,

Couh gaemhdawz aen yinq(yaenq),

Cungj yaeuh raeuz lwgminz,

Mbouj duet yinq(yaenq) ndaw fwngz.

Gungcanjdangj lingjdauj,

Cujciz gauj gwzming,

Vihliux raeuz lwgminz,

Itdingh mbouj cuengq fwngz.

Cij miz gungcanjdangj,

Gamj riengz Laux Ciengj can(hoenx),

Miz bing bak geij fanh,

Ciuq can(hoenx) aeu de saw.

Gungcanjdangj lingjdauj,

Bauj lwgminz bingzan,

Gozminzdangj sim dam,

Baez hoenxciengq couh baih.

Gungcanjdangj lingjdauj,

Cujciz gauj gwzming,

Daiqlingx raeuz lwgminz,

Itdingh ndaej fanndang.

It gouj seiq gouj nienz,

Daengx guek ndaej gaijfang,

Laux Ciengj ceiq vuengmangz

(muengz),

Bae Daizvanh ndoj dai.

Bae Daizvanh ndoj dai,

Baij haujlai dwzvu,

Gaenzgaeq dauq daluz,

Guh buqvaih cauhluenh.

Raeuz yaek gouq swhgeij,

Gyoengqcaeg daegbied gvangz,

Raeuz yaek caux gyadangq,

De daemjroen dajgiep.

Mauz cujsiz lingjdauj,

Gauj gaj caeg fanj yak,

Gyoengq dwzvu hix cak,

Deng lienz rag gaj caez.

Meijgoz hoenx Cauzsenh,

Vihliux hen Cunghgoz,

Laux Mauz ndawsim rox,

De doq baijbing bang.

Cungguek ciyenginh,

Vifung Cauzsenhdauj,

Hoenx ndaej Meijgoz lau,

Daejngaungau bae ranz.

Cancangz hoenx mbouj hingz,

Goenghai gauj funghsoj,

Siengj hawj raeuz Cunghgoz,

Ra loh bae mbouj miz.

Baenzbaenz de funghsoj,

Cunghgoz ciuqyiengh miz,

Funghsoj caet bet bi,

Raeuz miz yenzswjdan.

Feihgih raeuz hix caux,

Lij laux gvaq bouxwnq,

Naengh feihconz hwnj mbwn,

Vunz bae youz daigungh.

Gij Cungguek gohgi,

Beij vunz lij ak lai,

Gaenx guh hwnj mbaeklae,

Dauqdaej ndaej ndwn sang.

Doenghgij ngoenz seizneix,

Gvaq ndaej raixcaix ndei,

Vunz miz raeuz hix meiz(miz),

Gij ndei gangj mbouj liux.

Cij miz gungcanjdangj,

Ndaej lingjdauj gwzming,

Hawj Cungguek lwgminz,

Caencingq ndaej fanndang.

Cij miz gungcanjdangj,

Gaijfang cienz Cunghgoz,

Siumied le bozsoz,

Cunghgoz cij fanndang.

Ngoenzneix raeuz baenz vunz,

Mbouj lumz gungcanjdangj,

Lwgminz ndaej gaijfang,

Danggya guh bouxcawj.

Vunz Cungguek bouxboux,

Mbouj lumz gungcanjdangj,

Gaenriengz dangj cunghyangh,

Gvaq siujgangh saedceij.