Sai:

Nuengx youq rog dauqlaeng,

Raeuz doxyaeng fwendoiq,

Raeuz beixnuengx habhoih,

Doiq gijmaz fwen ndei?

Mbwk:

Okrog baenzneix nanz,

Ngoenz dauqranz bungz beix,

Fwen yienghyiengh cungj ndei,

Youz beix daiq eu gonq.

Sai:

Dangj laeb yaek bak bi,

Miz goenglauz lailai,

Hawj beksingq fatcaiz,

Raeuz wnggai goenghoh.

Mbwk:

Dangj laeb yaek bak bei(bi),

Seiqlengq vunz goenghoh,

Byaij haeuj seizdaih moq,

Goenghoh dangj yinghmingz.

Sai:

Dangj lingjdauj beksingq,

Gekmingh vih daihgya,

Doifan sam goengq bya,

Raeuz danggya guhcawj.

Mbwk:

Doifan sam goengq bya,

Danggya guh bouxcawj,

Saedceij ngoenzngoenz ndei,

Bouxboux ngeix daengz dangj.

Sai:

Guh gaijgwz hailangh,

Dwg dangj raeuz yinghmingz,

Duetgungz guh ndaej hingz,

Hawj beksingq fatcaiz.

Mbwk:

Gungcanjdangj yinghmingz,

Hawj beksingq fatcaiz,

Daiqlingx raeuz vunzlai,

Byaij hwnj loh siujgangh.

Sai:

Byaij haeuj seizdaih moq,

Daiq loh hix dwg dangj,

Goengcik baenzneix angj,

Bouxboux angq raixcaix.

Mbwk:

Bak bi neix gvaqdaeuj,

Bienq aen yienghsiengq moq,

Dangj baihnaj daiq loh,

Gyoengqraeuz doq bae riengz.

Hab:

Gungcanjdangj lingjdauj,

Gauj yienghyiengh cungj doeng,

Gungcanjdangj daiq roen,

Baenzgoeng youq baihnaj.