6 nyied 10 hauh, Gozvuyen fatbouh buek daihhaj guekgya gaep feihvuzciz vwnzva yizcanj dai- byaujsing hanghmoeg mingzloeg, gungh 185 hangh. Guengjsae miz 18 aen hanghmoeg dinghcinj ndaej senjhaeuj, hanghmoeg ndaej senj- haeuj lai fuengmienh langhbaij le gij fungsug sibgvenq、lizsij vwnzva daegbied gagmiz Guengjsae.

Doenghgij hanghmoeg neix baugvat faenzhag ndawbiengz、fwen cienzdoengj、goengfou cienzdoengj、gij foux cienzdoengj、yienj heiq、dijyuz cienzdoengj、bajheiq、gij veh cienzdoengj、dinfwngz cienzdoengj、minzsuz daengj.

Buek daihhaj guekgya gaep feihvuzciz vwnzva yizcanj dai- byaujsing hanghmoeg mingzloeg yienh’ok, hong feihyiz Guengjsae aeundaej 2 loh dwkbyoengq moq: It dwg ciengj bauqva(ciengj bauqva Bouxcuengh) ndaej senjhaeuj, dienzbouj gij hoengq Guengjsae guekgya gaep feihvuzciz vwnzva yizcanj daibyaujsing hanghmoeg mbouj miz hanghmoeg dijyuz cienzdoengj、bajheiq; ngeih dwg deu byuk gyapbangx Bwzhaij Si、deu gaeu Hozbuj, gij sibgvenq fuengz feiz Daanh Gveigangj Si ndaej senjhaeuj, dienzbouj gij hoengq Bwzhaij Si、Gveigangj Si mbouj miz guekgya gaep feih- vuzciz vwnzva yizcanj daibyaujsing hanghmoeg, saedyienh le daengx gih 14 aen laeb gih si cungj miz hanghmoeg ndaej senjhaeuj guek- gya gaep feihvuzciz vwnzva yizcanj daibyaujsing hanghmoeg mingzloeg.(Liuz Yi)