Daengngoenz okdaeuj seiqlengq

rongh,

Gou eu fwencuengh hawj dangj dingq;

Gimge(Gaeqgim) funghvuengz mbin

gvaq lingq,

Doengzcaez daeuj dingq fwen haenh

dangj.

Roegraeu gyaez roengz reih lwgraz,

Vameiz gyaez soengz gwnz faex sang;

Bouxcuengh ceiq gyaez gungcanj-

dangj,

Couh dangq gomiuz gyaez raemxraiz.

Duzroeg gyaez ndoeng bya gyaez dah,

Daj iq gou couh gyaez guekcoj;

Ngoenzseng dangj raeuz sim goenjfoq,

Gou vih guekcoj eu diuz fwen.

Guengjsae gohaij cien bi nanz,

Beijfwen rim mbanj lumj va langh;

Fwencuengh eu hawj gungcanjdangj,

Seiqfueng bouxcangh(canghfwen)

daeuj doxcomz.

Dangj raeuz laebbaenz yaek bak bi,

Guekcoj gizgiz yienghsiengq moq;

Lwglan Bouxcuengh gyaez ciengq go,

Caez daeuj goenghoh aendangj raeuz.

It gouj ngeih it mbouj ndaej lumz,

Fwnfwn rumzrumz daengz ngoenz-

neix;

Ruzhoengz Nanzhuz hai cien leix,

Hawj raeuz yied ngeix sim yied

diemz.

Ruzhoengz hai daeuj ndaej bak bi,

Yungyiemj gizgiz cungj mbouj lau;

Rumz hung dongj daeuj doengh-

ngauzngauz,

Ciuqyiengh mbouj lau bongh baenaj.

It gouj ngeih caet miz saeh laux,

Bet nyied it hauh mbwn byajraez;

Nanzcangh Gijyi laeb ginhdui,

Daj neix doxbae engq miz rengz.

Ginhdui byaij sae youh byaij doeng,

Yaengx mbaw geizhoengz bae mbouj

dingz;

Dingq dangj cijveih couh ndaej hingz,

Caen lumj mbwn nding miz ndit

rongh.

Daengngoenz okdaeuj ndongq lumj

gim,

Hengzguh gwzmingz beksingq angq;

Yinzminz ginhdui ceiq gyaez dangj,

Fwngz gaem cungqgang bae hoenx-

ciengq.

Ciencien fanhfanh dangjyenz ndei,

Bouxboux cungj geiq ngoenz haeuj

dangj;

Youq laj dangjgeiz doengzcaez gangj,

Riengz gungcanjdangj sim mbouj

bienq.

Dangjyenz gangj daengz hix guh

daengz,

Mwhmwh riengz laeng gungcanjdangj;

Gungcanj Cujyi dwg lijsiengj,

Byaij diuz loh gvangq mbouj

doenghngauz.

Duzmax miz rengz byaij ndaej gyae,

Vunz baengh sim caez guh cij hingz;

Mbouj lumz simnduj geiq sawjmingh,

Dangjyenz sim dingh lumj gangdiet.

Ciencien fanhfanh vunz Cungguek,

Riengz dangj bae buek giz dem giz;

Haenqrengz gwzming geijcib bi,

Doeklaeng cij miz ngoenz mbwn angj.

Geijlai dangjyenz mbouj lau dai,

De vih vunzlai bae vutmingh;

Vihliux gwzming guh ndaej hingz,

Lae gij lwednding youq gwnznamh.

Veijda Cungguek Gungcanjdangj,

Couh lumj ndit angj youq baihdoeng;

Dazyinx bouxminz guh baenzgoeng,

Yaengx mbaw geizhoengz mbinya-

gyag.

It gouj seiq gouj ceiq nanz lumz,

Gwnz Denh’anhmwnz daeng rongh-

sag;

Mauz cujsiz raeuz fwngz hung vad,

Bouxminz doxrag ndwn hwnjdaeuj.

Cungguek bouxminz ndaej gaijfang,

Baengh gungcanjdangj cij guhbaenz;

Gij goenglauz de gangj mbouj caenh,

Bouxboux angqhaenh youq ndawsim.

Gwzming conzdungj yaek fatyiengz,

Guekgya fouqgiengz cij baenzgoeng;

Riengz gungcanjdangj yaengx geiz-

hoengz,

Diuzloh cij doeng bae coh rongh.

Dangj daiq bouxminz guh gensez,

Gunghyez nungzyez yamq hwnj bouh

(mbaek);

Guekgya yied ngoenz yied baenzfouq,

Gwndaenj yied daeuj yied vuenyungz.

Gaijgwz hailangh miz cingzcik,

Couh lumj mbwn ndit daengx biengz

rongh;

Guekgya hwngfat ngoenzngoenz

hoengh,

Seiqgyaiq cungj muengh coh Cung-

guek.

Ndaej gwn maknganx cij rox van,

Ndaej haeuj ndawranz cij rox raeuj;

Cingcinj fuzbinz guh hwnjdaeuj,

Siujgangh rumz raeuj ci doh biengz.

Hwnj bya roq nyenz cienz bae gyae,

Dangj guh saehndei ceiq yunghrengz;

Vih minz fuzvu ngoenzngoenz hengz,

Dangj raeuz caen bengz gvaq bohmeh.

Guengjsae ngoenzngoenz hoengh

baenaj,

Duzrwi mbungqmbaj mbin guhdoih;

Bouxminz swnghhoz van baenz oij,

Saeh angq baenz roix gangj mbouj

caez.

Ranzlaeuz ranzsang hwnj baenz

hangh(baiz),

Dienhdaeng yaepgyangh lumj gyang

ging;

Lwglan doegsaw youh coengmingz,

Haeujbae Baekging doeg daihhag.

Roen bya bienq gvangq youh bienq

soh,

Gausuk goengloh gvaq henz ranz;

Gaudiet doenghci hwnj gunjbyanz

(nauhyied),

Gveicouh Yinznanz hix bienq gyawj.

Guhhong cungj yungh gihgaiva,

Ndaem reih ndaem naz lai fueng-

bienh;

Vulenz vangjloz lienz baenz sienq,

Gaicawx canh cienz mbouj okrog.

Bya heu raemx loeg mbwn youh angj,

Ndaw singz lajmbanj lumj suenva;

Roeg heuh va rang gyaeu dangqmaz,

Sim vunz hai va lumj bouxsien.

Bouxlaux bouxcoz lienh ndangdaej,

Ngoenzngoenz vuenheij buetyouyou;

Yah laux dawz beiz bae diuqfoux,

Cungj beij duzyou lij cwxcaih.

Cungguek hwngfat daengz ngoenz-

neix,

Baengh Dangj cij ndaej miz vuen-

yungz;

Doengzsim saedyienh Cunghgozmung,

Raeuz dingh vuenyungz bae fanh

daih.

Hwnzloq Cungguek(Cunghgozmung)

gaiq bouxminz,

Lajmbanj ndaw singz siengj dox-

doengz;

Vunzlai riengz dangj bae yunghgoeng,

Loqsiengj miz ngoenz baenz dahraix.

Byacwx aij(yienznaeuz) sang hix miz

dingj,

Dahraemxnding raez hix miz byai;

Dangj raeuz aencingz caen dwg lai,

Sing fwen ciengq hai rim biengzdeih.

Diuz Dahraemxhoengz liz raeuz gyae,

Hwnzngoenz lae bae cienfanh leix;

Gangj gungcanjdangj gij cingzngeih,

Beij Dahraemxhoengz vanzlij raez.

Raemxdah Yunghgyangh lae baih-

doeng,

Valeux hai mboeng coh daengngoenz;

Bouxcuengh riengz dangj byaij diuz-

roen,

Moqnaj ndwenngoenz ndei fanh daih.